GIBAKWI ni Leo Mercado ang kasong usurpation of authority, usurpation of official functions, violation sa civil service law, omnibus rules of appointment, violation of grave misconduct ug conduct unbecoming of public officer nga iyang gisang-at batok kang Lapu-Lapu City Mayor Junard “Ahong” Chan ug OIC City legal officer Atty James Sayson sa Office of the Ombudsman-Visayas.
Kini may kalabotan sa pagtudlo unta ni Chan ni Sayson isip city legal officer sa dakbayan bisan kun dili kini kwalipikado.
Matod ni Mercado nga nakonsensya siya sa iyang pagsang-at ug kaso sanglit iyang nakita niya nga nakauyon ang katawhan sa pamunoan ni Chan.
Wala hinuon mobutyag si Mercado kon duna bay nagsugo kaniya pag file og kaso batok ni Chan ug Sayson.
Suod usab sila kaniadto human nga miserbisyo isip kapitan sa Barangay Pajo sa wala pa midagan isip konsehal sa dakbayan niadtong 2006. (GCM)