SUPERBALITA CEBU

Nagsige'g trip cutting, ngan ipasa sa LTFRB 7

GIISYUHAN: Usa ka traffic enforcer sa City of Talisay Traffic Operations Development Authority (CT-TODA) naag-issue og citation sa usa ka drayber sa PUJ. (Gikan sa CT-TODA)

DAGHAN pa gihapong drayber sa mga public utility jeepney (PUJ) nga gahi og ulo ug magsige og trip cutting o dii molahos sa ilang rota.

Mao kini hinungdan nga City of Talisay Traffic Operations Development Authority (CT-TODA) ang moduso na sa ilang report sa tanang mga nadakpan nila nga PUJ drivers ngadto sa Land Transportation Franchising and Regulatory Board (LTFRB-7).

Lakip na sa iduso niini ang mga citation ticket ug mga hulagway atol sa pagsikup aron LTFRB-7 na ang mopitol sa naasoy nga drivers.

Matud ni Jonathan Tumulak, pangulo sa CT-TODA, nga nagkaistorya na sila ni Talisay City Mayor Gerald Anthony Gullas, ug LTFRB-7 Director Eduardo Montealto kalabot sa maong problema.

Iduso ang maong report ug mga ebidensya karong semanaha.

Matud ni Tumulak nga gitug-an na ni Montealto, nga sa maong kalapasan sa mga PUJ driver, ang mga operator na ang ilang ipatawag ug maoy pamultahon og tag P5 mil, matag PUJ nga ilang gipanag-iya.

“Adto na mobayad og multa sa LTFRB, kay base sa terms and conditions sa pag-release sa franchise ngadto sa atong mga operators, naka-stipulate ngadto sa pipila ka sections, nga kon unsay mga nahimong’ kalapasan sa mga driver o konduktor, base sa franchise, ang manubag ang operator,” pasabot ni Tumulak.

Gibana-bana nga sukad sa niaging bulan nga paghimo ug mga kinalit nga operasyon sa CT-TODA batok niining’ mga mang-trip cutting, aduna nay 50 nga ilang na-isyuhan og citation.

Diha kini kasagaran sa Tabunok ug Bulacao sa dakbayan sa Talisay.

Kasagaran niini adunay rota nga gikan sa dakbayan sa Sugbo, padung lahus sa Minglanilla, City of Naga, ug San Fernando, and vice versa.

Apan sa mga nasikop, panaugon ang ilang mga pasahero diha pa sa Talisay City.

Giangkon ni Tumulak nga sukad gisugdan nila ang operasyon sa miaging bulan, nabantayan nga nimenus na kining mga malapasong’ PUJ driver, apan aduna pa gyud pipila.

Ug daghan pa nga reklamo kalabot niini ang nadawat sa mayor. Panghinaot nila nga sa maong aksyon diin magmbigit na ang LTFRB-7, mominus na ang trip cutting o mawagtang na sa hingpit. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph