SUPERBALITA CEBU

P100M nga water treatment plant tukuron sa Cebu

ANG Cebu City Government nakadawat og P100 milyones nga grant gikan sa French Government alang sa katukoran sa waste water treatment facility sa Dakbayan sa Sugbo.

Apan ang kwarta gipaagi sa Ecoglobal Foundation nga gipangulohan ni John-Philippe Henry, chairman.

Si Cebu City Mayor Edgardo Labella, Chairman Bealide Bedriddine sa Syndicate Interdepartemental pour I’ Assainissement de I’ Agglomeration Parisienne (SIAAP) ug Henry nipirma og memorandum of agreement sa miaging buwan.

Ilawom sa maong kasabutan, ang Cebu City Government maoy mangita og lugar diin ipabarog ang P100 milyones nga proyekto.

Ang SIAAP ang mogasto nga ipaagi sa Ecoglobal.

Sukad niadtong 2016, ang SIAAP nag-develop na og waste water project sa University of Urdaneta City nga giinagurahan niadtong Hunyo 2019 nga maoy nakapaagni sa gobyerno sa Pilipinas nga gipaluyohan sa French Embassy para mangayo og tabang sa SIAAP para makabaton ang Cebu City sa samang pasilidad.

Ang Cebu City walay official sewage system nga maoy mosawo sa mga hugaw sa tawo nga hinabwa sa mga septic tank sa kabalayan ug balay patigayon. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph