SUPERBALITA CEBU

Yu, Singson gidayeg ni Labella sa ilang pag-resign

GIDAYEG ni Mayor Edgardo Labella ang pag-resign sa katungdanan ni Joel Mari Yu, kanhi chairman sa board sa Metro Cebu Water District (MCWD) ug general manager Jose Eugenio Singson Jr. kansang resignasyon moepekto sugod Nobyembre 1.

Si Labella nagkanayon nga mahimo pa untang modangop si Yu sa korte sanglit katungod kini nga nalatid sa balaod, apan iyang gipili nga di na modako ang isyu.

“Since he stepped down, that made our position relatively easier and I admired him. I admired both of them for that gesture,”padayag ni Labella.

Naghuwat

Gipadayag ni Labella nga samtang wala pa ang hukom sa Local Water Utilities Administration (LWUA), ang interim board nga ilang gimugna maoy kasamtangang molihok hulip sa kanhi board of directors nga iyang giputol ang serbisyo.

“In the meantime that there is this interim board, the ‘dismissed’ MCWD board cannot anymore function. It is the interim board that functions as board of directors while the LWUA Manila has not made their final decision on our letter,” paghulagway ni Labella.

Ang mayor niingon nga nimugna og interim board ang LWUA gumikan sa grabeng problema sa tubig nga nasinati sa local government units nga giserbisyohan sa MCWD.

“The reason for the creation of that interim board is because of the so called serious institutional crisis that the MCWD is facing,”dugang sa mayor. Niadtong Oktubre 21, ang LWUA nipadala og suwat ngadto ni Yu ug upat ka mga sakop sa BOD nga nagpahibawo sa ilang paghimo og interim board.

Di ang MCWD maoy nipagawas og pamahayag nga temporaryong nihulip ang LWUA sa ilang mga BOD. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph