NAGPAGAWAS og kamandoan si Gingoog City Mayor Erick Cañosa nga kinahanglan ipatuman gilayon ni Police Lieutenant Colonel Ariel Phillip Pontillas, hepe sa Gingoog City Police Station, ang curfew sa dakbayan.
Gikaalarma niini ang sunod-sunod nga insidente sa pagpanglugos kon asa sayo sa kagabhion nahitaboi samtang naglakaw-lakaw a sa kadalanan ang mga batan-on.
Sugod niadtong Lunes sa gabii, Oktubre 21, gipatuman ang striktong oras sa curfew.
Gimando ni Cañpsa ang kapulisan uban sa sakop sa City Social Welfare and Development (CSWD) magpahigayon sa pagsagop sa mga menor de edad nga makita sa kadalanan oras sa pag implementar sa curfew hours.
Pasabot sa mayor nga matag minor de edad nga ma sagop, ibutang kini sa shelter ug kasuhan ang mga ginikanan nga mahibawan nga ilang mga anak gipasagdan nga mag latagaw sa kadalanan sa disoras sa gabii kini kung moabot sa tulo ka kasupakan.
Kung ang mga menor de edad mokuyog sa ilang ginikanan dili sila pagadakpon.
Gipasabot sab sa mayor nga makatabang kini og dako nga malikay dili lang sa pagpanglugos apan sa mga dautan nga insidente ang mga minor de edad. Ang mga minor nga maglatagaw lapas alas 10 sa gabii paga reskyuhon ug dalahon sa shelter usa kini ipa-claim sa ilang mismong mga ginikanan.
Matud ni Pontillas nga epektibo ang information drive sa kagamhanan sa siyudad lakip sa kapolisan tungod kay sa unang adlaw sa implementasyon niini niadtong lunes upat lamang ka mga minor de edad ang na rescue.
“Mi-undergo ug counseling ang mga bata daw gipakuha sa mga ginikanan, sa sunod nga madakpan sila kasuhan na ang ginikanan ug neglect. Kinanglan na gyud ug iron hand ang mga kapolisan sa pag emplementar ani,” matud ni Pontillas.