Kinawat nga kape gisuksok sa bilahan

NAGBUGDO ang bilahan sa usa ka giingong tomboy human gisuksok ang iyang gikuhang mga kape sa usa ka tindahan sa Barangay 34, dakbayan sa Cagayan de Oro.

Ang suspek naila nga si Baby Rose, 19, residente sa Barangay Bayabas, ning dakbayan.

Giangkon usab ni Rose ang sayop nga nahimo kini tungod usab sa giingong panginahanglanon.

“Oo, akong ibaligya sa mga tindahan, wala man koy trabaho,” matud ni Rico.

Nasayran nga gipasok niini ang lima ka Nescafe stick ug lima usab ka pack nga Kopiko nga nagkantidad og P527.50 diha sa iyang bilahan rason nga nasapon tungod kay gabugdo ang atubangan.

Ang suspek ang kasamtangang anaa na sa bilanggoan sa Police Station 2 sa Cogon.