SUPERBALITA CAGAYAN DE ORO

Bakuna batok polio ipahigayon

NANAWAGAN ang Department of Health (DOH) sa tanang mga ginikanan nga molakip niining programa sa gobyerno aron batokan ang sakit nga polio sa nasud.

Gibutyag ni Karen Q. Yee-Garces, DOH regional immunization coordinator, nga ang kalihokan molungtad og duha ka semana gikan sa Nobiyembre 25 hangtod Disyembre 7.

Gi-aghat niini ang tanang ginikanan nga dalhon ang ilang mga anak o mga kabataan nga nag-edad og singko anyos paubos.

“We hope, we call on the parents, guardians to have their children below 5 years old be vaccinated,” matud ni Garces.

Gidugang pa niini nga angayang mabakunahan ang mga bata tungod kay kini lamang ang pamaagi nga malikay sa sakit nga polio.

“From November 25 to December 7, ‘Sabayang Patak Kontra Polio’, have your children vaccinated against polio. On these days we hope to see the parents in their respective health stations,” dugang pa.

Kini ang ikaduhang hugna nga ipahigayong pagbakuna sa tibuok rehiyon sa Mindanao human usab gideklarang polio outbreak ang nasud.

Nagpahimangno ang DOH nga ang polio usa ka mananakod nga sakit nga makuha gikan sa kagaw nga polio virus nga moresulta sa pagkaparalisa, lisod pagginhawa ug posibleng ikamatay ug walay laing epektibong tambal gawas sa bakuna aron malikayan kini nga sakit.

Ang sintomas niining sakit nga polio mao ang hilanat, panakit sa kalawasan, pagluya sa parte sa bukton ug tiil ug maglisod sa pagginhawa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph