SUPERBALITA CAGAYAN DE ORO

Kanhi bise mayor sa Oro sikop sa CIDG-Central Visayas

(SunStar file photo)

NAKURAT ang katawhan ning dakbayan sa Cagayan de Oro human nitumaw ang taho nga pagkasikop sa kanhi bise mayor sa dakbayan sa Sugbo tungod sa giingong pagkalambigit sa “double your money within 45 days” investment scam.

Sikop sa entrapment operation sa Criminal Investigation and Detection Group (CIDG)-Central Visayas niadtong Martes sa gabii, Oktubre 22, si kanhi Vice Mayor Caesar Ian Acenas, 43.

Lakip sa nasikop sila si Ma. Esperanza Makinano, 34, taga Lapasan, Cagayan de Oro City; Arjun Gumban, 26, M’lang North Cotabato; Ailyn Hope Matulac, 41, Green Meadows Tugbok, Davao City; ug Adjetor Daya Jr., 35, gikan sa Purok 6 Tugbok, Davao City.

Gibutyag ni Police Major Edwin Lacostales, Criminal Investigation and Detection Group-Mandaue City chief, nga sobra sa napulo ka mga biktima gikan sa Mindanao ang nidangop sa ilang buhatan may kalambigitan sa Phoenix EA Holding International Inc.

Gidugang pa nga mokabat na sa P400 milyones ang na-invest sa mga biktima gani niadtong nilabay nga semana pa nila kini gisunod-sunoran hangtod sa pagkasikop niadtong Martes human nakipagtransaksiyon.

Giingong gipanghimakak usab ni Acenas ang alegasiyon ug niingong usa lang kini ka investor apan butyag pa ni Lacostales nga nasapon gyud si Acenas nga nakitransaksiyon.

“Pero nahuli talaga namin sa entrapment na nakikipag-transact siya,” matud niini.

Mag-atubang sa kasong estafa ang mga dinakpan apan posibleng kini makapyansa.

Sa pagsulat niini nga balita Miyerkules, detinado sa CIDG-Central Visayas sa Cebu City ang mga dinakpan.

Samtang sa pakighinabi sa Superbalita Cagayan de Oro kang Konsehal George Goking, tsirman sa trade and commerce sa konseho ning dakbayan, niingon nga nagpasalamat siya sa CIDG sa ilang maayo nga trabaho.

“Ang ako lang, pasalamat ko sa CIDG for doing a very good job ma-prevent ning mga scam, investment scam ang ilang action is a warning to the investment scam, mga gapangilad nga you are next , if you will continue doing all this mga binuang kaning mga gapangilad nga magbantay sila,” matud ni Goking.

Gidugang pa ang gobyerno seryoso ug walay gipili nga sikupon.

Gikabutyag usab niini nga nakaabot na sa iyang buhatan nga dunay mga dagkong personahe nga nalambigit sa mga scam sa siyudad.

Nagpahimangno usab kini sa mga gapangilad nga ang lokal nga kagamhanan sa siyudad wala natulog kabahin niini nga isyu ug gibaharan pa ang padayong gapangilad.

“At least, finally we have come to the point nga a very strong warning sa katong gapangilad, you are all next, magbantay lang mo kay sunod lang mo dakpon,” dugang niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph