NAGPANON sa buhatan sa Criminal Investigation and Detection Group (CIDG) 7 ang walo ka mga tawo aron subling ireklamo ang Organico Agribusiness Ventures Corp. human sila saari nga ulian sa ilang capital sa pagpalit og baboy.
Moabot ngadto sa kapin usa ka milyon ka pesos ang tanan nilang na palit nga baboy sa Organico sa dihang wala pa kini mapagya nga usa ka scam.
Si Alma nga taga lungsod sa Consolacion nakapalit ug napulo ka baboy nga mobalor ang tanan sa P36,000 apan wala na siya maka pay-m,out sa dihang na pupus ang 90 ka adlaw tungod sa pagpasirado sa Organico sa Securities and Exchange Commission SEC.
Iyang gitug-an nga gisaaran sila sa kompanya nga iuli ang ilang kwarta sa buwan sa Agusto apan Oktubre na lang wala gyud sila makadawat niini nga maoy hinungdan nga mopadala na silag demand letter.
“Nireklamo mi kay wala pa gyud mi maka pay out nya nag saad silag pagka August daw nya hangtod karon wala pa man gihapon,” matod ni Alma.
Iyang gidugang nga wala silay trabaho sa iyang bana apan namuhi ra silag kahayupan sa lungsod sa Consolacion diin ang ilang halin sa nabaligya nga hayop ilang gi invest sa Organico aron manimpalad nga mo tubo ang ilang kuwarta.
Lakip sa mi reklamo ang usa ka 26 anyos nga overseas filipino worker (OFW) sa nasud sa Taiwan nga naka-invest og P180,000 diin mo kita unta siyag P300,000 sa 50 ka ulo sa baboy sulod sa 90 ka adlaw.
Matod ni alyas Sheila nga taga Sogod lalawigan sa Southern Leyte nga ang tanan niya kita sa abroad iyang gipalit sa baboy sa Organico sa pagtuo nga makaginansya siya niini.
Gi haylo siya sa iyang mga kauban nga OFW sa Taiwan sanglit sila usab misulod sa pagpalit og mga baboy.
Apan pakyas kay na scam na hinuon kini ug ang ilang panawagan nga mauli lang ang ilang capital.
Wala siya mag duda nga scam ang Organico tungod kay iya na kining gipa susi kung tinuod ba nga adunay babuyan ang maong kompanya.
Napamatod-an nila kini sa dakong piggery farm sa dakbayan sa Ormoc diin daghang mga baboy uy ubang mga produkto ang iya sa maong kompanya.
Nadugangan pa sa pasalig nga sila na mismo ang mo ihaw niini ug mobaligya sa merkado.
Gawas sa negosyo sa baboy aduna usab matod pa kini produkto sa feeds diin sila ra usab ang mo palit aron ilawog sa baboy.
Ang labing dako nga naka invest ang usa ka call center agent nga taga Osmena boulevard nga naka invest og P700,000 diin ang tanan niyang tinigom sukad siya nag trabaho sa call center iyang gihurot sa pagpalit sa baboy.
Matod niya nga ang nag agni kaniya sa Organico ang ilang pastor sa simbahan tungod naka dawat na kinig dakong kantidad.
Tungod sa pagtuo nga maka kwarta na siya iyang gihurot ang iyang gi deposito sa bangko sa pag palit og baboy aron mo ginansya siyag binulto.
Nahugno siya sa dihang gi ronda ang buhatan sa Organico sa siyudad sa Sugbo gi ronda sa mga sakop sa CIDG-7 ug gipasirad-an.
“Sus gihurot gyud nako akung savings kay mao lagi nanimpalad ba nga mo tubo sad og dako kaysa bangko nga dugay pa kaayo ang interest,” matod sa call center agent.
Matod sa CIDG-7 nga ilang ipadala ang mga demmand letter sa Organico ug hatagan silag panahon nga maka uli sa kwarta sa mga tawo nga naka palit nila'g baboy.