USA ka masahista ang nidangop sa kapulisan human nipasangil kini nga gisukmag sa mayor sa Clarin, Misamis Occidental sulod sa usa ka massage parlor sa dan Fuente Osmeña, dakbayan sa Sugbo alas 11 kagabii, Oktubre 23, 2019.
Si John Dueñas mipasangil nga gisukmag siya sa iyang kuto-kuto ni Clarin, Misamis Oriental Mayor David Navarro sa dihang nisulod kini sa ilang massage parlor gabii.
Sigon ni Dueñas, hubog nga nisulod si Navarro sa ilang massage parlor ug nangitag babaye nga masahista para muserbisyo niya.
Pero sa dihang gisultian siya ni Dueñas nga nahurot na ang mga babaye nga masahista tungod kay aduna silay customer, nikalit lang nanghasi si Navarro ug nanghagad og sumbagay.
Matod ni Dueñas nga nasukamagan siya ni Navarro sa madaghang higayon.
Nipuno si Dueñas nga human nangulata si Navarro, nagpamasahe pa siya sa usa ka babayeng masahista og nagpa-masturbate pa niini.
Planong mupasaka ug kasong physical injuries ug acts of lasciviousness si Dueñas batok ni Navarro.(Superbalita Cebu)