ANG Ateneo De Davao University (Addu) Blue Knights ug University of Mindanao (UM) Wildcats men spikers target ang quarterfinals sa nagpadayong 2019 National University Games (Uni-Games) volleyball competition sa University of San Agustin (USA) Main Gym sa Iloilo City.
Ang Addu, nagdala sa 2-2 win-loss record sa bracket B, manginahanglan na lang nga pildihon ang St. Louis College (SLC) Huwebes, Oktubre 24, aron moabante sa quarters.
Si Addu coach Kirk Marion Mojica, nga nakigbulig sa amahan nga si Mario nagkanayon nga may tsansa sila kontra SLC.
“Wala pa kadaog maski isa sa among braket ang St. Louis. Six teams ang among bracket.”
Ang Blue Knights nakaginhawa sa 21-25, 25-19, 25-18, 25-22 nga kadaugan kontra Holy Angel University sa Angeles City dayon gipildi ang Iloilo Doctors College (IDC), 25-19, 25-17, 25-15.
Apan ang Addu miyukbo sa Adamson University (AdU), 22-25, 16-25, 16-25, ug naluya sa University of Eastern Philippines, 25-13, 25-27, 25-17, 23-25, 8-15.
Ang Jhonathan Vanta-mentored UM Wildcats, sab, nagdala sa 3-1 card apan gikinahanglan pildihon ang University of San Agustin sa bracket D eliminations aron maka-abante sa quarterfinals.
Ang USA, suma ni Vanta wa pa midaug.
“Dili lang jud magkumpyansa... pero positive man mga bata. Pero kusog man gud among bracket,” suma niya.