ANG Rovers Football Club (FC) sa Davao City mihakot og tulo ka titulo sa Sparcorp Oktoberfest Football Festival nga gihimo sa Azuela Cove ning bag-o lang.
Ang Rovers FC mipayukbo sa Rizal Memorial Colleges (RMC), 2-0, sa ilang mix 11 championship match samtang ang Rovers FC boys 12 squad midaug kontra TCPU sa Tagumand Rovers FC boys 13 team, 1-0 nga daug kontra Southshield FC.
Apan ang Rovers FC miyukbo sa Tamasak Panabo, 1-3, sa mixed seven division ug mixed eight category, 0-1.
Ang Hyenas FC, sa ilang bahin, milabni og duha ka divisions crowns.
Ang Hyenas FC midaug kontra NUFC-A sa Nabunturan, 2-1, sa mix 10 finals samtang ang Hyenas FC miyabo sa TCPU FC Tagum, 2-0, sa boys 14
titular showdown.
Ang Ateneo de Davao University, mipukan sa Koronadal FC-A, 3-2, diin ang RMC miangkon sa 1-0 nga kadaugan kontra Southshield FC sa mix nine finals.
Sa men’s open, Intangibles FC mipildi sa Solido FC, 3-1, aron makuha ang titulo samtang ang Pantukan National High School nakalingkawas sa Stonefield FC sa Ozamis, 5-4, sa girls 17 finals.
Ang CR7 Food Turck Ladies Team mipildi sab sa RMC Solido aron maangkon ang women’s open futsal title.