SUPERBALITA DAVAO

Laag ta: Pujada Bay subayon sa ‘Most Beautiful Bays in the World’

MATI CITY -- Ang inilang Pujada Bay sa Mati City, Davao Oriental naapil sa “Most Beautiful Bays in the World” (MBBW).

Sa pahayag gikan sa CIO Mati, giingong ang deklarasyon gikan sa Club of the Most Beautiful Bays in the World atol sa 15th World Bays Congress sa Toyama Prefecture, Japan, Oktubre 16 ngadto 20.

Ang delegasyon sa Davao Oriental gilangkuban sa provincial governor’s office chief-of-staff Ednar Dayanghirang ug Environment and Natural Resources Office (Enro) officer Dolores Valdesco, nga maoy representante ni Governor Nelson Dayanghirang ug city environment officer Eddie Cobacha isip representante ni Mati City Mayor Michelle Rabat.

Ang tim mipresenta sa aplikasyon sa Pujada Bay nga mahimong kabahin sa club atol sa congress.

Human inisyal nga pag-aprub sa aplikasyon, ang PIO namahayag nga mga eksperto gikan MBBW moduaw sa dapit aron mohimo og ground assessment ug balidasyon sa Pujada Bay.

“The ground validation is the first official act of MBBW to visit new approved members to see what we told them, prior to induction next year for the 16th World Congress in Morocco,” ni Dayanghirang.

Malipayon si Dayanghirang sa maong katikaran diin suma niya dako kining tabang aron mas mapalambo pa ang estado sa Mati City ug Davao Oriental isip world-class tourist destinations.

Malaumon sab si Dayanghirang nga ang paghilakip sa Pujada Bay sa MBBW moresulta sa mas daghang inisyatibo nga nagtumong sa pagprotektar sa dapit.

Alang sab ni Mati City Mayor Michelle Rabat nga ang ground validation dakong hagit sa mga local officials, diin niya “once confirmed”, moresulta kini sa taas nga tourist arrivals.

Ang club nagsugod niadtong 1996 diin ang konsepto niini nga mahiusa ang mga labing maanindot nga bahiya sa kalibutan.

Ang Pilipinas apil sa 26-member countries sa club, diin ang Puerto Galera Bay maoy nag-inusarang bahiya gikan nasud nga apil sa MBBW list. (RGV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph