SUPERBALITA CEBU

Super Suroy: Fall in love with Isabela

NAKAPUYO nako ug nakabakasyon sa nagkalaing dapit sa Pilipinas, apan usa ka lugar nga akong balik-balikan maong ang probinsya sa Isabela.

Bisan tuod nga taas ug lisod ang biyahe padulong sa maong probinsya, bugti-an kini sa breathtaking view sa natural beauty ug heritage sa maong dapit.

Sa matag balik nako sa Isabela susama ra gihapon nga maoy pagtaak nako sa lugar sa unang higayon tungod kay dili ka mahutdan og mga dapit nga puwedeng bisitahon.

Ma-in love ka sa matag lugar busa andama ang imong kasingkasing kay tingali og mahibilin kini sa maong dapit.

Unsaon pag-adto

Ang pinakadali nga paagi aron maka-abot ka sa Cagayan Valley mao ang pagsakay og eroplano nga bound for Clark, Pampanga tungod mas duol sa destinasyon ug mas barato ang tiket kon ikumpara sa Manila.

Gikan sa Clark International Airport, mamahimong mosakay og jeep o taxi padulong sa Dao Terminal ug didto mosakay og bus bound for Tuguegarao City.

Pahinumdumi ang driver nga mohunong ka sa Barangay Baligatan sa Ilagan City, Isabela, samtang ang tiket mapalit sa P550-P600 ug ang bus ride modugay og 10-12 ka oras.

Dili ka maproblema sa accommodation tungod kay daghang hotel ug hostels ang dakbayan.

Destinasyon

Sierra Madre

Sa dili pa maabot sa imong destinasyon, unang masagap sa imong panan-aw mao ang majestic forest sa Sierra Madre, ang labing taas nga mountain range sa Pilipinas.

Atol sa bus ride makita kon overlooking ang imong view sa lasang ug ma-enhance ang viewing experience kon ikaw mahimutang diha kilid sa bintana.

Cagayan River

Ma-agian sa imong sakyan nga bus ang labing taas nga sapa sa Pilipinas, ang Cagayan River.

Kon padulong na sa hapon, mas ma-amaze ka sa beauty sa maong sapa ilabi na sa sunset tungod sa paggilak sa tubig.

Tumauini Church

Ang Tumauini Church o ang San Matias Parish Church sa Tumauini, Isabela nailhan sa iyang brick ug ultra Baroque-style nga architecture.

Ang maong simbahan nailhan pud tungod kini lang ang simbahan sa tibuok nasod nga aduna’y cylindrical nga kampanaryo nga daw usa ka wedding cake. Kapila na na-damage ang maong simbahan apan tungod kini palangga na sa mga tawo, nagtabang-tabang aron dili madayon og kaguba.

Ang simbahan gikonsidera nga maapil sa Unesco World Heritage Sites under sa Baroque Churches of the Philippines (Extension).

D’spot Trail Park, Cauayan Isabela

Kon ikaw hilig magpabasa ug dili mahadlok nga malagapak sa tubig, mahimong mobisita sa D’Spot Rail Park sa Cauayan, Isabela.

Sa fee nga P250, ma-enjoy na nimo ang whole amenities sa usa ka oras. Kon ganahan ka nga mas mahashas ang imong skills sa pag-wakeboard, mas barato kon tulo ka oras ang kuha-on tungod P490 ra ang imong bayran. Kon ganahan ka mo-chill inig human, libre ang kayaking sa ilang lake.

Cauayan Mushroom Center

Ang Cauayan City giila nga “Mushroom Capital of the Philippines” tungod sa klase-klaseng mushroom nga na-produce niini sa Pilipinas lakip na worldwide.

Busa dili kumpleto ang imong bisita kon dili ka moadto sa Cauayan Mushroom Center sa national highway sa Tagaran. Sa maong center puwede makat-onan unsaon pagproseso ug cultivate sa mga ligbos.

Puwede pud matilawan ang mga mushroom dishes ug pastries.

Biggest Butaca in the world

Sa Barangay Baligatan, Ilagan City, Isabela makit-an ang Guiness World Record for the Biggest Arm Chair in the World tawag sa mga lokal sa mga lingkuranan mao ang butaca.

Ang biggest butaca adunay sukod nga 1.6 feet high, 20.8 feet long, ug 9.8 feet wide.

Gigama sa mga Ilagaueños ang butaca sa kahoy sa narra ug gihimimo sa sulod sa 28 ka adlaw. Kini gihimo sa gobiyerno aron ipakita sa mga tawo nga walay imposible kon magtinabangay ang mga residente.

Sa maong lugar pud puwede matilawan ang mga native Ilagueño dishes sama sa binallay ug inatata nga puwedeng mahimong pasalubong inig pauli ninyo sa iyang lugar.

Ilagan Sanctuary

Ang Ilagan City nailhan sa Isabela tungod sa mga natural wonders ang Ilagan Sanctuary usa sa mga gibisita nga tourist spot kon diin puwede mag-adventure ug mag-relax.

Ang Ilagan Sanctuary anaa sa tiil nga dapit sa Sierra Madre sa Barangay Santa Victoria ug sa P100 nga entrance fee, mag-enjoy ka sa mini zoo, natural spring pool, zipline, cable bike ride, wall climbing ug bird view

Gitagaan og importansya sa gobiyerno sa Ilagan City ang pag-preserve sa mga kalikupan sa pagdahum nga makit-an pa kini sa mosunod nga henerasyon.

Santa Victoria Caves

Kon dili ka mahadlok sa ngiob ug huot nga mga lugar, ang Santa Victoria Caves angay sa mga spelunkers o ang mga hilig mosulod og kuweba.

Adunay 12 limestone caves ang Santa Victoria apan upat lang niini ang puwedeng i-explore.

Ang Main Cave diin giingong usa sa mga gitaguan sauna sa mga Hapon kaniadtong World War 2; Moon Cave, usa ka kuweba nga nabangagan tungod sa giyera; Ang Altar Cave nga giingong taguan sauna sa mga bulawan nga “giprotektar sa usa ka dakong rebulto sa Birheng Maria; ug ang Adventure Cave diin manginahanglan ang kusog sa pagkatkat ug pagsuok sa huot nga agianan sa maong kuweba.

Ginadili ang pagsulod sa Santa Victoria Caves kon walay tour guide ug depende sa sabot, makakuha og tour guide for as low as P500.

Pinzal Falls

Baynte-singko minutos nga lakaw gikan sa Santa Victoria Caves ma-abot ka sa Pinzal Falls, usa sa matahum nga busay sa Isabela. Walay entrance fee sa Pinzal Falls kon adunay tour guide apan kinahanglan mo-trek sa kagubatan ug sa mga shallow nga stream.

Perfect ang lugar sa mga ganahan mo-relax ug magpicnic kuyog ang pamilya ug mga higala tungod dili ra lalum ang falls. Usa pa, kini usa ka untouched virgin destination sa Isabela ug gipahinumduman ang mga turista nga dili mobilin sa ilang hugaw.

Cathedral of Saint Michael The Archangel

Sama pa sa usa ka saying, “the progress of a place can be judged by how the people pray inside their church.” Sa Gamu, Isabela, ang Cathedral of Saint Michael the Archangel usa ka simbahan nga gipatukod sa mga Dominikano.

Kini usa ka modern church nga giistilong nga daw gihimo sa Spanish era. Kon first time nimo mosulod sa simbahan, giingong makahimo ka og wish ug kini matinuod. Usa ang simbahan sa main churches kon asa mosimba ang mga Katoliko Isabelinos.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph