LUYO sa pagbangutan ug kasubo, nagmapasalamaton ang pamilya’ng Pimentel sa mainitong pagtagbo sa Kagay-anon kanga kanhi Senator Aquilino “Nene” Pimentel Jr., kinsa gihaya gikan sa Oktubre 23 hangtod 25 ning dakbayan sa Cagayan de Oro.
Buot lamang sa pamilya’ng Pimentel nga dili makalimtan si Tatay Nene sa katawhan sa kinabuhi niini nga puno sa leksiyon.
Gibutyag ni Aquilino “Jac” Pimentel IV nga subo kaayo ang ilang pamilya apan angayang dawaton tungod kay kini man ang kamatuoran sa kinabuhi sa tawo.
“Of course, you can understand that the family is undergoing a very emotional and physically tiring week because of the demise of my father, medyo mabigat talaga, walang may gustong mangyari ito pero my brother already mentioned in his speech in the Senate, you cannot determine, you don’t have a say when you are born and when you die you only have a say how you live,” matud niini.
Bisan paman nga emosyonal ang pamilya nahimo kining gaan alang kanila tungod sa gipakitang suporta sa katawhan ilabi na sa Kagay-anon.
“Tsaka ang mga condolences, pouring of love of the people have made it easier for the whole family, salamat sana hindi natin makalimutan ang aral ng buhay ni Nene Pimentel,” dugang pa niini.
Gikabutyag usab niini nga usa kini ka tinuod nga tawo ug ang tibuok kinabuhi gidalit diha sa tinud-anay nga pagpanerbisyo.
“Si Tatay kasi live his life openly kung anong buhay niya sa publiko yun din ang buhay niya sa private walang double kara, tunay na tao, genuine at ang puso ay para sa bayan talaga, most of his productive life was spent serving our people walang bahid na pansariling interest kundi ang bayan lamang,” pahayag niini.
Gitakdang ilubong usab kini sa Oktubre 26 adlaw nga Sabado sa Taguig sa Heritage.
Daghan usab nga mga dagkong personalidad ug mga politiko ang nahidangat atol sa necrological service nga gipahigayon usab sa City hall sa City Tourism hall sama nila ni kanhi Mayor Atty. Reuben Canoy, kanhi Mayor Constantino “Tinnex” Galagnara Jaraula, Justice Romy Borja, ug uban pa.