SA LABING unang higayon, ang Cokaliong Shipping Lines mo-host og usa ka fun run nga pagaulohan og Cokaliong Run Full Speed 30 nga gikatakda karong Disyembre 1 diha sa SM City Cebu Northwing Parking area.
Kini maoy usa sa mga kalihukan sa pagsaulog sa ika 30 ka tuig nga anibersaryo.
Gibanabanang moabot ngadto sa 1,200 ka mga runners nga nagagikan sa Sugbo ug ubang kasikbit nga dapit ang mosalmot sa naasyong lumba nga langkuban sa tulo ka mga kategoriya.
Kini mao ang 21-kilometer, 12-k ug 5 k diin abli alang sa mga kababay-an ug kalalakin-an.
“This is the first time that we hold a fun run. This is a sort of giving back to the community,” “We wanted to do an event that’s for everyone. With the fun run, our employees, families and the community can join,” niya pa.
Si Kenneth Casquejo, ang race director, mibutyag nga katunga sa slots ang nakuha na sa mga sayong entrante.
Moabot ngadto sa P100,000 nga premyo ang nakahan-ay alang sa raffle. Ang mopatigb abaw sa men’s ug women’s 21-k makadawat og P10,000 samtang P5,000 ug P3,000 alang second ug third placers.
Ang top three sa 12K makabulsa og P5,000, P3,000 ug P1,000, samtang P3,000, P2,000 and P1,000, alang sa 5-k winners.
Ang registration fee mobalor og P550 sa 5K, P750 sa 12K ug P1,200 sa 21K. Ang mga entry forms makuha sa SM City Cebu booth duol sa Zark’s Burger. (RSC, JBM)