USA ka saksi sa pagbanhig patay ni Clarin, Misamis Occidental Mayor David Navarro nibutyag nga mga armadong tawo nga nagsakay og puti nga van ang mga mamumuno.
Sigon sa maong saksi, nga usa ka sidewalk vendor, nga nahinabi sa Superbalita Cebu human sa insidente nga samtang namaligya siya og fried chicken sa dan M. Velez sa dakbayan sa Sugbo, nakit-an niya niagi ang puti nga van nga gisakyan ni Navarro og iyang mga sakop sa pamilya.
Padung unta sa buhatan sa Cebu City Prosecutor's Office si Navarro para i-inquest sa dihang lain nga puti nga van ang nibabag sa ilang sakyanan.
Matod sa saksi nga mga armadong tawo ang nigawas sa van og nipusil sa van kung asa nahimutang si Navarro.
Si Navarro igong nakagawas sa sakyanan para mueskapo pero gipaarakan siya sa mga armadong suspetsado.
Matod sa saksi nga kalit kaayo ang pagpamanhig og nahitabo ra kini sulod sa usa ka minuto.
Si Navarro nag-atubang unta og kasong physical injuries ug acts of lasciviousness human kini gipasanginlan nga nangulata og massage therapist sa usa ka massage parlor sa dan Fuente Osmeña niadtong Miyerkules sa gabii, Oktubre 23, 2019.
Si Navarro usa sa ginganlan ni President Rodrigo Duterte sa iyang narcolist niadtong tuig 2016.(Superbalita Cebu)