MASALIGON ang NBA Philippines nga aduna na unya’y bag-ong TV broadcast company nga makapasalida sa mga duwa sa National Basketball Association (NBA) sa Pilipinas human mitali og rekord nga 20 million viewership ang opening game tali sa LA Lakers ug LA Clippers sa Facebook ug Twitter dinhi sa nasod.
Nagkanayon si NBA Philippines managing director Carlo Singson nga ang NBA padayong nakignegusasyon sa daghang mga grupo kabahin sa TV coverage sa liga.
“The discussions unfortunately are quite complex and take a lot of time. Ideally, it would’ve been done by the start of the season but like I said, discussions and talks take time,” pasabot ni Singson sa interbyu sa Spin.ph.
Lakip sa mga nakigsabot sa NBA mao ang ABS-CBN ug Cignal TV nga nagplanong mag-usa og puwersa sa pagpasalida sa mga duwa sa NBA. (ESL)