SUPERBALITA DAVAO

Desinyo sa rerouting scheme hitsas na

HITSAS na ang gidisenyo nga rerouting scheme sa Davao City Transport and Traffic Management Office (CTTMO) alang sa Kalag-Kalag 2019.

Kini ang gibutyag ni CTTMO head Dionesio Abude kinsa namahayag nga bisan pa sa mga nanglabay nga katuigan ilaha gayod nga gipangandaman ang rerouting aron dili masinati ang tumang ka-trapik sud sa mga sementeryo ning siyudad.

Si Abude namahayag nga ilang ipakatag pinaagi sa social media ug sa mismong paghatag og mga papel sa rerouting aron masayran sa publiko ang mamahimong agianan sa mga sakyanan sa Nobyembre 1 ug 2.

“Andam na kita, in fact ang atong rerouting scheme gibalanse gyod nato kana og maayo aron dili gyud mahitabo ang tumang ka trapik sa November 1 and 2,” sulti ni Abude sa mga tigbalita.

Mihangyo ang opisyal ngadto sa mga dunay sakyanan nga kung mamahimo dili na lang magdala niini sud sa mga sementeryo ug kung modala mangita og ka-parkingan nga anaa mahimutang sa layo sa mga sam-ang.

Mga pasaheroang dyip, gawas sa temporaryo nga rota nianang mga adlawa, mamahimo nga mangita og mga alternatibong dalan aron malikay sa trapik.

Samtang hitsas na sab ang ihap sa ipang-deploy nga mga personahe sa CTTMO labi na sa Wireless Cemetery nga maoy pinakadako nga sementeryo ning siyudad ingon man ang Davao Memorial Park sa McAcrthur Highway.

Hinuon, bastante pa ang personahe sa CTTMO apan giingon ni Abude nga mas maayong madugangan aron dili maproblema ugaling dunay dagko nga kaugdahan ang siyudad sama sa Kadayawan Festival ug Araw ng Dabaw. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph