SA MGA takna nga ako mag-inusara
Handumon ko ang nahanaw kong gugma.
Ang matam-is mong mga pahiyom
Maoy magdasig kanako sa paghandom.
Sa mga takna nga ako maghanduraw
Bation ko ang tumang kamingaw.
Bisag gitamay mo ang gugma ko kanimo
Gipakasama ko lang ni nga usa ka damgo.
Imo kong gibiaybiay ug gisalikway.
Wala ko magbasol ni magmahay
Kay ang tanan imo mang gikalipay
Hangtod sa dayon kong pagpahulay.
Balunon ko na lang sa akong lubnganan
Ang panghimaraot mong akong nahiaguman.
Ang tanan pagbuot man sa kahitas-an
Nga ang gugma ko kanimo way katumanan!