MIALSA batok sa pamunoan ni Pres. Gloria Macapagal Arroyo sa sakop pa sa Phil. Navy si Antonio Trillanes. Nangulo sa Magdalo group sa Oakwood mutiny sa 2003 ug Manila Peninsula mutiny sa 2007. Napriso sa kasong rebelyon. Midaog pagka senador bisan didto sa bilanggoan. Nakagawas sa Presidential Amnesty nga gigasa ni Pres. Noynoy Aquino. Presidential Proclamation 572 gibasura ni Pres. Rodrigo Duterte ang maong amnestiya sanglit peke kay walay aplikasyon, walay pag-angkon nga sad-an ug walay pirma ni Noynoy iya lamang ni Defense Sec. Voltaire Gasmin. Midangop si Trillanes sa Supreme Court alang sa Temporary Restraining Order (TRO) apan gisalikway ug miduso sa kaso sa Makati-RTC Branch 148 ug 150. Nakalaihay si Trillanes kay ang Branch 148 mibasura sa awhag sa DOJ pagluwat og warrant of arrest kalabot sa Oakwood mutiny hinoon mipabor sa legalidad nga nagbaliwala sa amnestiya. Sa awhag gihapon sa DOJ unang miluwat sa warrant of arrest ang Branch 150 kalabot sa Manila Peninsula mutiny maong gidakop apan nakapiyansa og 200,000 pesos alang sa temporaryong kagawasan.
Sa piniliay god nasuko si Trillanes ni Duterte kay wala kuhaa nga running mate. Nagkabangi sa iyang kauban kanhi sa Phil. Navy sa Magdalo group Nicanor Faeldon kay wala mosuporta kaniya. Maong nagsigig pahit si Trillanes ni Duterte sa pasangil sa Davao Death Squad, tinagoang bahandi ug laktod nga pagpamatay. Migamit ni Peter Joemel Advincula alays Bikoy nga ilambigit ang unang pamilya sa drugas ug rice smuggling. Apan subling misumbalik si Duterte sa hidden wealth ni Trillanes nga joint bank accounts sa mga Insek sa Hongkong, Malaysia, Australia ug US.
Usa si Trillanes nga kusganong nagtinguha sa pagpalukapa sa pamunoan ni Duterte hinungdan nga nalakip sa kasong sedition, cyberlibel, estafa, harboring a criminal ug obstruction of justice sa paggamit ni Bikoy. Mireklamo si Atty. Jude Sabio nga gikuha siya nga abogado ni self-confessed Davao Death Squad Edgar Matobato ug ni Bikoy. Kanhi Negros Or. Rep. Jacinto Paras ug tulo ka kauban mipasakag kasong sedition ug rebelyon batok Trillanes nga nagdasig sa mga military pagpatay ni Duterte. Lain sab ang kidnapping ug serious illegal detention nga gisang-at sa magpapatigayon Guillerma Barrido. Apan kanunay nga nakalihay si Trillanes sa bug-at nga mga kaso nga angay na untang taralon sa hukmanan ilabina sa pagluib sa nasod.
Sa senador pa si Trillanes wala gyoy napanday nga balaod. Wala ipadayon ang kawsa sa Magdalo kon gituohan nga maayo ang ilang tumong. Kaubanan nga nataktak sa Phil. Navy gipasagdan. Maoy nagtabang sa pagpasulod og trabaho sa Makati si kanhi Vice Pres. Jejomar Binay. (csa_1156@yahoo.com / 09064648954)