Kanhi OFW nasakmitan og P171,000 'shabu'

CEBU. Giila ang suspek nga si Allan Sigue Toreon, 43, molupyo sa Lawaan-3, Dakbayan sa Talisay. Si Toreon napriso na kaniadto sa kasong illegal possession of firearms. (Hulagway kuha ni Benjie Talisic)
CEBU. Giila ang suspek nga si Allan Sigue Toreon, 43, molupyo sa Lawaan-3, Dakbayan sa Talisay. Si Toreon napriso na kaniadto sa kasong illegal possession of firearms. (Hulagway kuha ni Benjie Talisic)

KANHI overseas Filipino worker nadakpan sa gilusad nga anti-drug patrolling sa mga sakop sa Provincial Intelligence Branch sa Cebu Provincial Police Office sa Barangay Lawaan, Dakbayan sa Talisay, Sabado sa buntag, Oktubre 26, 2019.

Giila ang suspek nga si Allan Sigue Toreon, 43, molupyo sa Lawaan-3, Dakbayan sa Talisay. Si Toreon napriso na kaniadto sa kasong illegal possession of firearms.

Nasakmit gikan sa suspek ang P171,000 nga balor sa gidudahang shabu.

Base sa report, si Toreon gihulagway nga kauban sa notadong gun-for-hire nga sa Barangay Tangke nga si Richie Daan.

Si Daan namatay human giingong misukol sa operatiba sa Talisay Fish Port kaniadtong 2016.

Ang dinakpan ig-agaw usab ni Jerh Sigue, kinsa napalgan nga gigaid sa poste sa Barangay Campo 4 sa Dakbayan sa Talisay nanglabay nga bulan.

Si Toreon moatubang sa kasong kalapasan sa Republic Act 9165, o ang Comprehensive Dangerous Drugs Act of 2002. (BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph