NAHISGUTAN sa popstar royalty Sarah Geronimo sa usa ka interbyu nga human niining “Unforgettable”, posibleng si Daniel Padilla ang iyang mahimong sunod partner sa pelikula.
Basta nindot ug angayan sila, malipayon kining buhaton ni Sarah. Kinahanglan lang sakto nila ang istorya, tema ug papel, labi na nga mas manghud si Daniel niya.
Niuyon sad si Daniel sa pamahayag ni Sarah ug excited na siya karon pa lang.
Okay sad si Kathryn Bernardo kay idol niya si Sarah ug syento porsyento kuno niya ning suportahan, ay’g saba!
“Santigwar” ang taytul sa horror movie ni Alexa Ilacad. Gawas sa movie busy sab ang young actress sa teleseryeng “The Killer Bride” isip Luna nga nahigugma sa kababatang si Elias (Joshua Garcia) ug makatrayangulo ni Janella Salvador.
Apan parehong gi-deny ni Joshua ug Alexa ang tsismis nga duna silay relasyon kay focus kuno sila karon sa trabaho. Ay’g saba!
Ang judges sa bag-ong programa sa Kapamilya nga “Your Moment” mao silang Boy Abunda, Nadine Lustre ug Billy Crawford hosted by Luis Manzano and Vhong Navarro. Usa ka reality talent competition, may singing ug dancing. Ang mga mapiliang finalist mag-abot sa “Your Grand Moment” finals. Two in one competition nga may duha ka entablado ug duha sab ang Grand winner.
Mao ni ang mohulip sa “The Voice Kids” ug sugdan na kini karong Nobyembre.
Hapi birthday sa akong gikamingawang momi Myrna Escanilla sa Poblacion Lapu-lapu City, nagsunod gyud ang kombira diha kay human sa pista, may hikay pa sa birthday. Ay’g saba!