DUHA ang patay ug mobalor tanan og P8.8 ang shabu nga nasakmit sa managlahing anti-drug operations sa Sugbo niadtong Biyernes, Oktubre 25, ug Sabado, Oktubre 26.
Ang nangasikop pasakaan og kaso karong Lunes, Oktubre 28, sa kalapasan sa section 11 sa Comprehensive Dangerous Drugs Act of 2002, ang uban mag-atubang og kasong kalapasan sa section 5 sa Comprehensive Firearms and Ammunition Regulation Act.
P184K shabu
Usa ka Richie Eballe, alyas “Kano”, ug iyang kauban nga si Reynaldo Mabuti, alyas “Yetyet,” ang patay human sa engkwentro tali sa Consolacion Drug Enforcement Unit (DEU) sa balay naulahi sa South Binabag, Barangay Tayud, lungsod Consolacion niadtong Sabado sa buntag.
Nasikop sa kapuiisan sial si Ricky Montejo ug Geronimo Auman nga akotng nag-re-pack sa ilegal nga drugas.
Si Police Major Verniño Noserale, hepe sa Consolacion Police, nagkanayon nga ang tumong sa operasyon mao si Eballe, ex-convict sa kasong tulis.
Nakuha ang lima ka gagmayng putos ug lima ka medium packs sa shabu nga mobalor og P184,600, base sa Dangerous Drugs Board (DDB) value ug lakip sa nakuha mao ang .38 revolver ug .45 calibre pistols, ug celllphone.
P238K shabu
Sayo sa 5:30 sa buntag sa Sabado, nasikop sa dakbayan sa Talisay City Police ang 43-anyos nga Alan Torreon sa paghupot og 55 grams sa shabu nga gibanabana og P238,000 ang balor.
Si Noserale nongon nga sagad sa kustome ni Eballe maong construction workers sa dulol nga bodega.
P1.5 shabu
Gihulagway nga apil sa regional high value target ang usa ka 26 anyos nga taga Barangay Ermita apan mitabok sa Sitio Puntod sakop na sa Barangay Mambaling ning siyudad sa pagtuo nga luwas ug di madakpan.
Apan walay suwerte kining si Eric Booc, 26, human madakpi sa mga sakop sa drug enforcement unit sa Presinto-11 sa Mambaling Police, pasado alas 1:00 niadtong Biyernes sa gabii, Oktubre 25.
Si PCapt.Francis Renz Talosig, hepe sa Presinto 11, maoy nangulo sa operasyon.
Ang dinakpan nasakmitan ug mga binulto nga putos sa shabu sa iyang posisyon human siya mapalite og usa ka bulto sa usa ka posuer-buyer.
Gibanabana sa 230 gramos ang nasakmit nga shabu gikan kang Booc nga moabot na sa P1.5 milyunes.
“Gitudlo man gud ni siya nga talagsa lang mogawas pag adlaw unya dunay gabie nga mogawas siya sabaan ang ilang mga silingan kay inig labay ani niya dunay mga kauban nga mag sige sila ug estorya unya banha,” matud ni Talosig.
Dugang ni Talosig nga moabot og semana nga pag monitor kang Booc hangtud nga na planohan ang buy bust.
Si Booc dihang gikuhaan sa iyang habig dili kaayo motubag apan, iyang gisulti nga talagsa lang siya hatdan sa mga shabu nga ediliber kaniya.
P6.9 M shabu
Samtang, kapin sa usa ka kilo nga gituohang shabu nga dunay DDB value nga P6.9 milyunes ang nasakmit sa mga sakop sa Abellana Police sSation atol sa gihimong buy bus sa Upper Carreta, siyudad sa Sugbo kagahapon sa ala 1:00 sa hapon, Oktubre 26.
Nangulo sa operasyon mao ang hepe sa Abellana police station 2 Police Major Eduard Sanchez diin ilang nadakpan ang high value target nga si Merasol Marangga Bonane alyas “Sol”, 41, taga Aluibijid, Misamis Oriental.
Nakuha sa mga operatiba ang tulo ka bulto ug usa pa ka dakong putos sa gituohang shabu nga motimbang ang tanan sa 1 kilo ug 15 gramos.
Matod ni Police Major Eduard Sanchez nga adunay nakahatag nilag impormasyon labot sa pagpayuhot sa ilegal nga drugas ni Sol sa maong lugar nga maoy hinungdan nga gipaubos nila kini sa surveillance.
Sa dihang nasuta nga positibo ang kasayuran nga nakuha nakig-alayon sila sa Police Drug Enforcement Group 7 ug sa Philippine Drug Enforcement Agency alang sa himuon nga buy bust nga mi esulta sa pagkasikop sa babaying drug pusher.
Dako ang posibilidad nga ang maong ilegal nga drugas pangandam alang sa nagsingabot nga Kalagkalag.
Si Police Colonel Gemma Vinluan hepe sa Cebu City Police Office (CCPO) mipahibawo nga sukad niadtong Octobre 23 nakasakmit na silag daghang illegal nga drugas ug mga armas.
Nagpasabot matod pa kini nga daghan pa gihapon nga ilegal nga drugas ang naka lusot gikan sa Luzon nga angayan bantayan sa kapulisan. (AYB, WBS, BBT)