GIDALA og balik sa Ford Philippines sa dakbayan sa Sugbo ang iyang Driving Skills for Life (DSFL) program sa tumong nga pagpakaylap sa luwas ug mas responsableng pagmaneho og sakyanan.
Ang DSFL, naa karon sa iyang ikatulong tuig sa Sugbo, malampuson kining gipahigayon niadtong Oktubre 25, Biyernes, sa Cebu Trade Hall, 3rd Level, SM City Cebu ubos sa tulo ka training sessions sa alas 10:00 sa buntag, alas 11:30 sa buntag ug 2:00 sa hapon.
Ang Tuason Racing School maoy nagdumala sa pagbansay, unang automotive company nga dunay safe driving training program sa Sugbo sa 2017. Ug sukad niadto, ang DSFL nakabansay og dul-an sa 600 ka private ug public utility drivers, student drivers, ug traffic ug road management personnel.
Ang mga partisipante nakat-on sa benepsiyo sa iyang smart, safe, ug fuel-efficient driving lakip sa ubang driving skills sa pagminos sa road accidents, altercations, ug traffic congestion.
Ning tuiga, ang Ford nangita og partner sa taxi, bus ug transport network vehicle services (TNVS) companies ug uban pa. (PR)