GILINGAW ug gitunolan og mga hinabang ni Senator Christopher “Bong” Go ang mga nasunogan niadtong nilabay nga adlaw sa Barangay Nazareth ning siyudad sa Cagayan de Oro.
Naghatag si Go og kwarta, mga groceries, balde, gamit lakip na mga school supplies sa mga nasunogang estudyante, panginahanglanon sa mga buntis ug uban pa.
Gibutyag ni Go nga angayang iyang ibalik ngadto sa katawhan ang paghatag og pagsalig kaniya ug suporta sa nilabay nga eleksiyon pinaagi sa maayong serbisyo ug pagtabang kutob sa mahimo niini.
"Naa ko diri kay ako ning gisaad sa mga Pilipino sauna pa lang gisaad nako sa Pilipino maskin asa mo sa Pilipinas basta kaya lang sa akong panahon, kaya sa akong oras adtuon gyud tamo," matud ni Go.
"Naa moy financial assistance naa moy madawat, naa pud moy grocery, tapos kinsay estudyante nasunog ang gamit diri? ako nay mopalit sa inyong mga sinina ug school supplies, " dugang pa.
Gani gisaaran usab niini ang mga bata nga pagadalhon sa mall aron isuroy ug malingaw.
Nagdalit usab kini og awit kauban sila si Robin Padilla ug Philip Salvador nga kanunay niini nga kauban.
Lakip usab sa gihatag niini mao ang iyang mahalong relo ug sapatos.