UNSA kining kalag-kalag? Mao kini ang gipasunod kanato sa relihiyong Romano Katoliko sa dihang human gidiskobre ni Ferdinand Magellan kining atong isla nga ilang gibunyagan og Pilipinas.
Ang relihiyong Katoliko mao ang pinakataas sa tanan, gani ubos nila ang gobyernong sibil, ug ang mga dagkong opisyal sa gobyerno, Kaparian ug Obispo bisan pa ang komisyonado sa pag-awdit ug sa eleksyon.
Nagpadayon sila sa pag-impluwensiya sa pagpalapad sa maong relihiyon, sanglit pipila lang ka pudyot ang pagtulun-ang Islam sa tibuok isla sa Pilipinas niadtong tungora.
Wala pa’y mga Kristohanong relihiyon niadtong tungora, katoliko lang, dili sama karon nga nagkatag na ang mga langyaw’ng relihiyon gikan sa western countries, dugangan pa sa mga local made nga relihiyon.
Bisan og unsa pa’y himuon sa relihiyong Katoliko niadtong tungora, mahimo nila tungod kay sa negusyo pa, wala silay kakompitensiya.
Kung ato lang bukahon ang atong mga mata ug ka-isipan sa kamatuoran, "religion is business", negusyo, tungod kay wala ma’y relihiyon nga pobre, may mga branches, may mga dagkong tunghaan, colleges ug mga universities, mining, bangko ug uban pa, ginamit ang pangalan sa atong Diyos.
Sulaminte ang atong mabasa diha sa atong Balaang Kasulatan Malaquias Kapitulo 3: Bersikulo 10: nag-ingon, “Dalha ninyo ang inyong ikapulo ngadto sa akong balay aron aduna silay makaon, pinaagi niini, sulaye ako ninyo dili ba abrihan ko ang upat ka ganghaan sa langit ug ibubo ko ang panalangin, ug pinaagi ini wala na unya kamoy kabutangan sa inyong abot”.
Pero baliktad man ang panghitabo? Sila man ang wala na’y kabutangan sa ilang bahandi, ug kitang pobre nag-ila-id sa tumang kalisud, ngano? Gi-abuso tungod kay dili lang ikapulo ang gipangayo dunay sab, "Love Offering", "Travel Offering", pambayad sa kuryente offering, tanang klase sa offering naa na.
Karon, unsa kining kalag-kalag? Ang kalag-kalag usa ka paghandom sa atong mga mahal sa kinabuhi nga mipanaw na ngadto sa kalibutan sa mga patay. Dautan ba kini? Angay paba kining buhaton? Bisan kung wala kini gisugo diha sa atong Balaang Kasulatan, pero dili kini dautan, tungod gihandom nato sila, bisan nalang sa paghinlo sa ilang lubnganan.
Ang dili lang maayo, kanang tagbuon kag sobre aron kuno rosaryohan ang pangalan sa imong paryente nga hastang bukog nadunot na, ilang apoan aron daw malangit.
Ang mga patay na, wala kita'y labot nga mga buhi, magpaabot na sila sa pagbalik sa atong Ginoong Hesukristo, aron hukman kitang tanan, buhi man o patay para sila’y manubag sa ilang nahimo ning kalibutana sa buhi pa sila, maayo man o dautan.
Sumala sa atong mabasa sa ikaduhang Corinto Kapitulo 5: Bersikulo 10, “Kay kitang tanan moatubang kang Kristo aron iyang hukman ang tagsa-tagsa, makadawat sa angay kaniya sumala sa iyang nabuhat ning kalibutana maayo man o dautan”.
Wala na’y kuwarta nga isulod og sobre nga i-rosaryo sa ila aron maluwas sila. Di ba?