Editoryal: Sementeryo sa mga investment schemes

USA sa mga makadani sa atensyon sa mga motorista sa usa ka dapit sa Barangay Communal, Buhangin Davao City ang daw usa ka hinimo nga sementeryo diin asa makita ang daghang krus ug dunay nakasuwat nga mga ngalan sa mga money investment schemes.

Nagkadaiyang posts sa social media sa mga hulagway sa dapit diin sa gamay nga barong-barong dunay haya sa patay, dunay lungon nga ang nakasuwat R.I.P KAPA.

Ang mga krus naglaray atubangan dapit sa kalsada, dunay nakasuwat nga RIGEN, Ever Arm, Almamico, Alamco, ug uban pang mga sikat nga mga money investment schemes sa Davao Region pipila ka bulan ang milabay nga karon nangawala na.

Sa mga kapsyon sa shares sa mga hulagway, dunay nakasuwat nga i-ampo nalang daw nila ang maong mga tawo nga nagpaluyo sa mga investment schemes ug dili daw sila maayong pasudlon sa porgatoryo gumikan kay gidagan nila ang salapi sa mga investors.

Natunong sab kini nga na-trending sa social media atol sa paghandom sa Adlaw sa mga Minatay, diin matud sa naggama sa konsepto, usa lamang daw ka kalingawan ning Kalag-Kalag. Dugang pa, daghan ang makasabot sa iyang gihimo, gumikan daghan ang na-scam.

Hangtud ning panahona, daghan ang dili kadawat sa kamatuoran sa maong mga money investment schemes gumikan daghan ang mga nabulilyaso nga mga saad ug daghan ang mga kabtangan nga naprenda ug nabaligya.

Sakit man nga paminawon, apan kinahanglan kining dawaton gumikan nasayod nang daan ang investors sa posibleng kapaing-nan sa ilang gi-invest.

Ang sakit lang gyud niini, ang higayon nga hangtud karon dili nato madawat. Ang maayong himuon, mag-ampo nalang nga hupayon ang hunahuna ug kasingkasing sa hitabo. Ang importante nakat-on ang katawhan kung kanus-a mohunong ug di na magpailad sa sunod higayon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph