GIKAHINAMAN ug giingong kulba-hinam ang panag-abot sa basketball court sa Central 911 ug Land Transportation Office (LTO) karong Lunes, Oktubre 28, 2019, alas 8:00 sa buntag sa Almendras Gym alang sa ikatulo nga adlaw sa Public Safety and Security Invitational Basketball tournament nga gipasiugdahan sa Sports and Development Division -CMO sa dakbayan sa Davao.
Nag-una sa liga ang 911 nga duna nay duha ka sunod nga daug ug walay pildi, samtang ang LTO usa pa lang ang daug apan dunay maayo nga mga magdudula.
Niadtong Huwebes gipildi sa 911 ang Public Safety and Security Command Center sa iskor nga 84-81.
Mitala og 34 puntos si Joel Pasaol sa 911 aron ilang maangkon ang ikaduha nga kadaugan.
Si Pasaol maoy napili nga MVP sa liga niadtong 2018. Gipagawas sab sa mga referee si Ronnel Bantilan sa PSSCC sa Gym tungod sa 'unsportmanship foul' tungod sa init kaayo nilang duwa.
Gisuspenso sab si Bantilan sa ilang dula kontra Highway Patrol Group, nga ikaduhang game sa Lunes.
Gipildi sa LTO ang Philippine Coast Guard, 82-68 sa milabay nga Huwebes diin si Clemente Ruiz miiskor og 30 puntos.
Ang 911 ug LTO managsama nga kusog managan apan lamang ang 911 kon ang batan-on nga magdudula ang hisgutan.
Samtang mas beterano sab ang mga magdudula sa LTO tungod sa presensiya ni Ruiz, Mark Anthony Francisco, Charlie Braga ug Alfredo Gonzaga.
Mga naglangkob sa team sa LTO mao sila Jerico Amatosa, Allan Adinio, Rey Christian Bansag, Alvin Calatayud, Eric John Ang, Jeffrey Rosete, Kim Cyril Utbo, Christian Eric Santiago, Francisco Paulo Barias, Peter Paul Tagalog, Rodolph Tabasa, Junray Veloso, Kenneth Canete, Prince Pagas, Neil Canedo ug Melencio Diaz Jr.
Samtang sa 911 gilangkuban kini nila Marjohn Mamacang, Rosibal Apordo, Francis John Simborio, Mar John Sumagcan, Ronnie James Solomon, Kenneth Jay Hangad, James Eric Magaso, Jack Layan, Andro Retes, John Lowie Bugas, Jose Carlo Garcia, Neil Ryan Ureta, Muctar Ahadain, Jone Rey Adlaon, Monarch Velasco, Joel Pasaol ug ang kaluha nga sila Aren Paul Po ug Aren Mark Po uban ni Coach Salvador Sendrijas.
Mga team nga apil sa liga mao ang 911, PSSCC, LTO, CTTMO, DCPO, HPG, TF Davao ug PCG.
Ang kampeyon sa torneyo modawat og P300,000, 1st Runner-up P200,000 ug 2nd Runner-up may P100,000.
Samtang ang MVP modawat og P5,000 apan ang mga premyo.