ANG recent movie ni Sarah Geronimo nga “Unforgettable” from Viva Films ang say pa katumanan sa usa niya ka dream.
Damgo sa Popstar Royalty ug Box Office Queen nga mobida sa usa ka full-length dog movie.
Ang konsepto sa pelikula gikan sa direktor nga sila Jun Lana, sa Die Beautiful ug Perci Intalan nga usa sab ka award-winning filmmaker.
Inay ka-loveteam ang kauban, sa movie, iro ang kapartner ni Sarah nga sii Milo, ang Jack Russell Terrier nga misikat sa mga viral videos niini.
Sa movie, gidala ni Sarah ang karakter ni Jasmine.
Mobiyahe siya og Baguio uban ang dog nga si Happy aron adtuon ang lola nga may sakit.
Suma ni Jasmine, blessing ang pag-abot ni Happy kaniya ug nagtuo siyang mapaayo niini ang iyang lola.
Pamatud-an sa pelikula ang pinasahi nga pagmahal.
Usa ka ispesyal nga pagmahal nga motuhop sa kasingkasing ug hunahuna.
“It’s a different role. Very challenging for me,” ni Sarah nga gihatagan sa PMPC Best Actress award tungod sa pagdala niya sa papel sa “Miss Granny.”
Bigatin sab ang supporting cast ni Sarah sama nila Regine Velasquez, Anne Curtis, Cherie Gil, Tirso Cruz III, Yayo Aguila, Ara Mina, Kim Molina, Meg Imperial ug Gina Pareño.
Ang movie nga “Unforgettable” gipasalida na sa mga sinehan sukad Oktubre 23 ug padayon kining mihataw sa takilya.