SUPERBALITA CEBU

Record ni Johnson gibuak ni Westbrook

MR. TRIPLE-DOUBLE. Ang guard sa Houston Rockets nga si Russell Westbrook nga miambak human sa iyang hansak atol sa second half sa ilang kadaugan kagahapon batok sa New Orleans Pelicans sa NBA. (AP)

NALABWAN ni Russell Westbrook ang rekord ni basketball legend Magic Johnson dihang nakaposte na sab siya’g triple-double sa kadaugan sa bag-o niyang team nga Houston Rockets batok sa New Orleans Pelicans, 126-123, kagahapon sa National Basketball Association (NBA).

Si Westbrook mirehistro og 28 puntos, 13 ka assists ug 10 ka rebounds aron ilugan si Johnson sa ikaduhang luna sa all-time list sa padaghanay og triple-doubles.

Ang nag-una na lang kang Westbrook ning maong listahan mao si Oscar Robertson, kinsa adunay 181.

“I know nowadays getting a triple-double seems normal, but I take a lot of pride and a lot of energy and sacrifice and a lot of things I do off the floor to get ready to compete and play at a high level,” matod ni Westbrook.

“For me, that’s a great accomplishment, especially growing up and never thinking I would be able to play in the NBA. Now, I’m able to be in the history books. It’s a blessing, and I don’t take it for granted.”

Si Westbrook nakapasulod og duha ka krusyal nga freethrows sa nahabiling 6.1 segundos aron hatagan ang Rockets og tulo ka mga puntos nga labaw.

Sa return play, nasipyat si Pelicans guard Josh Hart sa iyang three-point attempt sa dayong pagtingog sa final buzzer nga mao unta’y makapugos og overtime.

Gawas kang Westbrook, ang Rockets, nga misaka sa 1-1 nga rekord, adunay laing lima ka mga magduduwa nga nakamugna og dobleng numero nga puntos pinangulohan ni James Harden, kinsa nagpakatap og 29 puntos.

Nagpamatuod lang kini nga dali ra’ng naka-adjust si Westbrook sa sistema sa bag-o niyang team.

Hinuon, ang panagpares nila ni Westbrook ug Harden nakamugna og 12 ka turnovers, walo niini kang Harden, kinsa igo lang mitali og 2-sa-18 sa 3-point line ug 8-sa-29 ka fieldgoal. Apan mihagpat siya og 11-sa -12 ka free throws.

“I’m going to take as many shots as they give me,” batbat ni Harden.

“Tonight, they didn’t fall. But the most important thing is, we’ve got to win. I think we locked in defensively when we needed to get stops. It’s slowly coming together.”

Ang Pelicans, nga nahagbong sa 0-3 nga rekord, gipangulohan ni Brandon Ingram pinaagi sa iyang 35 puntos, nidugang og 23 puntos si Hart samtang niamot og 18 puntos si Lonzon Ball.

Sa laing mga duwa, ningdaog ang Miami Heat batok sa Milwaukee Bucks, 131-126; Philadelphia 76ers batok Detriot Pistons, 117-111; Atlanta Hawks batok Orlando Magic, 103-99; Boston Celtics batok New York Knicks, 118-95; Cleveland Cavaliers batok Indiana Pacers, 110-99; Toronto Raptors batok Chicago Bulls, 108-84; San Antonio Spurs batok Washington Wizards, 124-122; Utah Jazz batok Sacramento Kings, 113-81; ug Phoenix Suns batok LA Clippers, 130-122. (AP, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph