Sea jeepney mobiyahe na

HINGPIT nang mobiyahe karong Lunes, Oktubre 28, ang labing una nga “sea jeepney” sa Sugbo diin anha kini manukad sa dakbayan sa Naga sa habagatang Sugbo.

Tungod usab sa kahinay sa signal sa internet connection sa pantalan sa Naga, dili una mapatuman sa MCE Shipping Lines ang ticketing system.

Matod ni Dr. Nelson Mejia Jr., chief executive officer sa MCE Shipping Lines, ang operator sa sea jeepney o mas naila nga “MyBoat” nga manual una ang ilahang ticketing nga pagahimuon.

Sugdan ang seremonya sa blessing sa alas 6 sa buntag ug magsugod ang pagpasakay sa alas 7:30 sa buntag nga biyahe.

“Skip mi sa first trip for the blessing pero mosayo pud mi larga for the second trip, instead of 7:50AM, himuong 7:30AM," matod ni Mejia.

Ang MV Nicole Express maoy labing unang sea jeepney nga dunay kapasidad nga 45 ka tawo, lakip tripolante ug modunggo sa Pier 1 sa dakbayan sa Sugbo. (HBL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph