‘Litson Kumbira’ sa Ormoc City

ORMOC CITY, Leyte - Giplanohan sa dakbayan sa Ormoc nga sa sunod tuig kaduha na ipahigayon ang litson kumbira.

Dunay sa piyesta sa Hunyo 29 ug duna usab sa Charter Day sa Oktubre 20.

Matod ni Mayor Richard Gomez, buot nila nga paapilon na ang tanan nga mga litsonero sa dakbayan aron matilawan kung kinsa ang laing lami og timplada.

“I suggest nga next time ang litson kumbira dili lang sa Charter Day kundi hasta na sa pista,” matod sa Mayor

Matod sa Mayor nga dili ikalimod nga ang Ormoc ang dunay labing kalami nga litson on ug buot sa kagamhanan nga mapasundayag kini sa lain pang lugar ug mga bisita sa dakbayan.

“Kay ako personally, kahibawo ko nga one of the best tasting lechon all over the country is really here in Ormoc. Daghan nako nasuwayan nga lechon but diri sa Ormoc, I can say nga we one of the best and its about time and proper mahatagan sila recognition,” matod sa Mayor

Dugang sa Mayor nga iyang mandoan ang taga Business Permits and Licensing Office (BPLO) nga sa sunod higayon dapat apil na ang tanan litsonero.

Atol sa charter day, Oktubre 20, 2019, napulo ka litsonero ang miapil diin matag litsonero nagluto og tulo ka litson.

Matod sa Mayor nga ang syudad ang migasto sa tanan ug mibayad sa mga litson.

Giklaro sa komitiba nga lima ang judges sa lechon kumbira, tulo niini gikan sa Manila, usa gikan sa Tacloban ug usa gikan sa Baybay.

Kini aron malikayan ang bias sa pagpili kung kinsa ang pinakalami nga litson.

Gipili nga grand winner ang Jel’s Lechon.

Matod sa Mayor nga gawas sa pagkailado sa Ormoc sa tam-is lamian nga pinya buot usab niya nga mamahimong litson capital ang Ormoc City ug mamahimo nga usa sa tourist destination sa dakbayan. (PR)