Ormoc police gipakusgan

Tampo nga hulagway
Tampo nga hulagway

ORMOC City, Leyte -- Pwersa sa kapulisan sa dakbayan sa Ormoc ug Kwatro Distrito sa Leyte, gipakusgan ni Mayor Richard Gomez.

Ang Ormoc City Police Office uban sa tabang sa LGU-Ormoc ang mibansay og 50 ka pulis aron mamahimong miyembro sa Ormoc City Special Weapons and Tactics (SWAT).

Duna pa usab mo abot nga training sa SureShock nga apil na ang mga pulis sa kwatro distrito sa Leyte.

Matod ni Ormoc City Mayor Richard Gomez, kini ang labing unang higayon sa Ormoc Police Force nga dunay SWAT.

“Nakita ko yung need. Ayaw ko kasi mangyari na we will only have them trained pag tapos na yung situation na kailangan sila,” matod sa mayor.

Ang mga niapil sa maong training nagagikan sa lain nga tropa, dunay sa City Drug Enforcement Group ug City Mobile Force Company.

Matod sa Mayor nga kumpleto sa mga ekipo ang SWAT ug gani nigasto og dakong kantidad ang syudad mapundohan lang ang pagmugna sa maong pwersa.

“Just for the weapons alone it’s over 30 million. So, it’s about 40 million for this program,” dugang sa Mayor.

Dugang sa Mayor kung mahuman na ang SWAT training mohimo na usab sila og mas kusog pa nga pwersa sa kapulisan pinaagi sa pagbansay sa Sureshock nga mas grabe pa ang training kumpara sa SWAT.

“This time we will include yung mga pulis sa ibang munisipyo sa fourt district. Sila they are not fully capable of funding a program pero kailangan katulong natin sila in preserving our peace and order in Ormoc and Fourth District,” matod sa mayor.

Alang sa Mayor dako kaayo nga pabor sa syudad nga makabaton og SWAT.

“The fact na malaman ng mga perpetrators na gustong gumawa ng gulo dito na may elite force, Strike Force ito that means they are capable of fighting urban warfare. Pag sila na dumating alam na nila kailangan nila gawin,” matod sa Mayor.

Gisugilon usab ni Gomez nga pwede usab mo responde ang Ormoc SWAT sa ubang lugar kung gikinahanglan.

Gipasigarbo usab ni Gomez ang mga dekalibre nga mga armas sama sa mga snipers ug ubang high powered firearm ug magpalit pa usab og dugang armas ang Ormoc para sa umaabot nga Sureshock training.

Giklaro sa mayor nga dunay contract nga tulo ka tuig ang SWAT personnel sa Philippine National Police nga magpabilin sa Ormoc sa una pa sila idestino sa laing lugar.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph