Tipik sa liderato tinguha sa NLEX

MGA duwa karon:

4:30 pm- NLEX batok Rain or Shine

6:45 pm- Ginebra bato Blackwaker

Mosuway pagkuha og bahin sa liderato ang NLEX Road Warriors sa ilang pagpakigsangka sa Rain or Shine Elasto Painters sa premirong duwa karong hapon sa Philippine Basketball Association (PBA) Governor’s Cup sa Cuneta Astrodome.

Ang Road Warriors kasamtangang naglingkod sa ikaduhang dapit nga adunay 6-1 nga rekord.

Ang kadaugan sa Road Warriors makaagak kanila sa ibabawng bahin diin ilang ikauban ang ilang igsuong puwersa nga mao ang Talk N’ Text KaTropa.

Segurado na man tuod silang makasulod sa quarter-finals apan nagkinahanglan gihapon og kadaugan ang Road Warriors aron paamagon ang ilang poruhan sa inilugay sa top two.

Ang makasulod sa top two human sa elimination round makapanag-iya og twice-to-beat nga bintaha sa quarter-finals diin magparang ang No.1 batok No.8, No.2 batok No.7, No.3 batok No.6 ug No.4 batok No.5.

Kon nagkinahanglan og kadaugan ang Road Warriors, mas labaw nga nagkinahanglan ang Elasto Painters nga nagbitay sa may ilawom nga bahin dala ang 2-6 nga rekord.

Ang Elasto Painters usa sa mga kandidato sa mga tagakunon apan dili pa ulahi ang tanan alang kanila ug puwede pa silang makakumpayot sa biyahe paingon sa quarter-finals.

Nasayod si Road Warriors coach Yeng Guiao nga mas nagkinahanglan og kadaugan ang Elasto Painters hinungdan nga ilaha kining gipangandaman og insakto.

“You can’t look at Rain or Shine’s win-loss record and judge their abilities. They are a lot more than what their record says,” matod ni Guiao sa interbyu sa PBA.PH.

“We have a long break after this game and it would be nice to reward ourselves with a tie for first place if we can carve out a win versus Rain or Shine.”

Ning sangkaa, ang Elasto Painters moparada og bag-ong import nga si Richard Ross sa pamasin nga makaagak kini kanila sa importante nilang mga tahas sa umaabot.

“We have to compete for us to give ourselves a chance,” matod ni Rain or Shine coach Caloy Garcia.

Sa main game, magsangka ang Brgy. Ginebra Gin Kings ug Blackwater Elite.

Ang Gin Kings kasamtangang nahimutang sa ikaupat nga luna nga adunay 4-2 nga rekord samtang ang Elite naa sa ilawom nga bahin nga naggunit og 2-6 nga rekord.

“At this point mid the conference, this is a critical game for us, so it’s very important that we don’t look past Blackwater going into our games against Meralco and TNT,” matod ni Ginebra coach Time Cone. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph