USA ka 66-anyos nga American national ang namatay human niambak gikan sa iyang lawak sa 8th floor sa usa ka hotel sa Barangay Mabolo, dakbayan sa Sugbo kagaahpon, Oktubre 29, sa hapon.
Si City Police chief Colonel Gemma Vinluan nagkanayon nga sumala sa taho gikan sa Police Station 4, ang langyaw niambak nianang pasado alas 3:00 sa hapon.
Giila ang namatay nga si as Michael Douglas Hunter.
“Based on the account of a witness, the American jumped from the 8 floor of the hotel that resulted to his death,” matod ni Vinluan.
Apan ilang giseguro sa imbestigasyon nga walay foul play sa hiabo.
Sa laing bahin, wala na matabang sa mga doktor ang usa ka 60 anyos nga dalagang guwang human naghikot og electrical wire sa iyang liog sa niadtong Lunes, Oktubre 28, buntag sa Barangay Liburon, dakbayan sa Carcar.
Si Virginia Apura Racoma, nagpuyo sa nahisgutang lugar dead-on-arrival (DOA) sa tambalanan human gidala sa mga kabanay ug kapulisan.
Si PLt.Col. Clarissa Gabutan, hepe sa Carcar Police station mibutyag nga sayo sa mi-aging buntag nakadawat silag impormasyon kabahin sa sucide incident.
Sa pag-abot nila sa lugar ang biktima diha na kini sa lingkuranan nga kahoy gitangtang na sa mga kabanay ang hikot sa liog nga electric wire nga gigamit niini didto sulod sa iyang payag.
Nasuta sa imbistigasyon nga ang biktima dugay na kining nag-antos sa sakit nga depression, nahibaw-an sab sa kapulisan nga makaduha na kahigayon nga misuway sa pagpakamatay ang biktima kay dili na siya gusto nga mahasol pa ang iyang mga kabanay sa pag-atiman kaniya. (GPL)