UNSA kaluwas ang dakbayan sa Sugbo human sa nahitabong pagpamanhig ni Clarin, Misamis Occidental Mayor David Navarro?
Si Mayor Edgardo Labella nagkanayon nga walay angay kabalak-an ang dul-an usa ka milyon ka mga tawo nga nagpuyo sa siyudad hilabi na kon dili sila badlungon sa katilingban ug wala sila malambigit sa ginadili nga drugas.
“I can categorically say that Cebu City is very safe to stay specially to the law abiding citizens but if you are a drug protector, involved in illegal drugs better get out of Cebu City,” maisugong pamahayag ni Labella.
Ang mayor nimando ngadto kang Police Colonel Gemma Vinluan sa paghimo sa ilang trabaho isip pagtuman sa marching order ni Presidente Rodrigo Duterte pagpugong sa pagkuyanap sa ginadiling drugas.
“I told the police, do what you are supposed to be done when it comes to criminal elements specially the illegal drug trader," padayag ni Labella.
Ang amahan sa dakbayan sa Sugbo niingon nga angay huwaton ang resulta sa imbestigasyon sa Philippine National Police labot sa kamatayon ni Navarro kinsa gibanhigan patay dihang paingon na unta sila sa piskaliya sa dakbayan uban sa mga pulis sa miaging semana. (PAC)