NIUMOL na ang Commission on Human Rights (CHR) og specialized team nga moimbestigar sa kamatayon ni Clarin, Misamis Occidental Mayor David Navarro human nimando ang central office sa CHR nga moumol kini og 4-5 ka tawo nga team nga mosusi sa iyang kamatayon.
Ang mando niabot kini sa CHR 7 niadtong Lunes, Oktubre 28.
“Ang atong central office, ang commission nag-order nga duna’y composite team nga himuon para mag focus sa investigation niining kamatayon ni Mayor Navarro, so duna ta’y special team para niini,” matod ni CHR 7 chief investigator Leo Villarino.
Hinuon, bag-o pa ang maong mando, aduna gihimo nga pakisusi ang ilang buhatan subay sa nahitabo.
“Una nag moto propio me before nag-order og composite team. Our investigation is focused on the death under custody. We have to remember nga kining biktima, suspect ni nga gidala paingon sa prosecutor’s office,” dason ni Villarino. (HBL)