"KUNG ako lang si Superman, bukas na bukas din lalayas na iyang basurang yan!"
Kini ang sulti ni John Simon, kinsa Bureau of Customs district collector, agi og reaksyon sa kalangan sa pagpabalik sa ilegal nga mga basura gikan sa South Korea.
Kini atol sa pagtunol sa kagamhanan sa Misamis Oriental sa inisyatiba mismo ni Governor Bambi Emano aron nga mapaspasan ang pagpapabalik sa basura ngadto sa nasod.
Matud ni Simon nga mapasalamaton siya sa kagamhanan sa probinsya tungod kay dili tiaw ang gastuhon sa pagpabalik niini ug ang inter-agency maglisod pa sa pagpabalik niini.
Gani bout na niyang sa labing madaling panahona mahibalik kini karon panahona apan taas-taas pa ang proseso niini.
Matud ni Board Member Gerardo Sabal, kinsa maoy representante ni Emano, nga 4,000 ka tonner bags ang gidonar sa Kapitolyo ug kini mobalor tanan og P600,000.
Lakip niini ang pagpahulam sa ekipo sama sa payloader nga maoy mokuha sa basura ug pagbayad sa mga tao nga mosulod niining mga basura.
Sa kinatibuk-an, moabot ngadto sa P1.4 milyones ang kantidad nga nahatag sa probinsya alang niini.
Laumang sa bulan sa Nobiyembre mahuman na ang pagpanulod ug pagbalhin ngadto sa mga basura sa container van.
Ug paaboton na usab ang barko nga maoy mobalik niini pabalik sa South Korea.
Ang kagamhanan sa Korea nigasto sab og P10 Milyon pagpabalik niini ug gipasalamatan nga supportive ug cooperative nga mahibalik kini.