Drug-cleared barangays gipasigarbo ni Torres

SOMA: Malipayon kaayo ang panagway ni Kananga Mayor Matt Torres (likod, ikaduha gikan sa wala) human siya nihatag sa iyang State of the Municipal Address (SOMA) sa Miyerkules sa hapon, Oktubre 30. Nitambong ang iyang igsuon nga si Kong. Lucy Torres (ikatulo sa wala) ug Ormoc City Mayor Richard Gomez (likod, tuo). Uban kanila ang mga konsehal sa lungsod. (John Kevin D. Pilapil)
SOMA: Malipayon kaayo ang panagway ni Kananga Mayor Matt Torres (likod, ikaduha gikan sa wala) human siya nihatag sa iyang State of the Municipal Address (SOMA) sa Miyerkules sa hapon, Oktubre 30. Nitambong ang iyang igsuon nga si Kong. Lucy Torres (ikatulo sa wala) ug Ormoc City Mayor Richard Gomez (likod, tuo). Uban kanila ang mga konsehal sa lungsod. (John Kevin D. Pilapil)

KANANGA, Leyte -- Mipahigayon sa iyang State of the Municipal Address (SOMA) si Kananga Leyte Mayor Matt Torres, Miyerkules, Oktubre 30, 2019.

Dungan usab niini ang pagpahibawo ni Torres sa iyang mga nahimo sa 100 ka adlaw niya nga pagdumala sa Kananga gikan sa iyang paglingkod niadtong Hulyo 2019.

Una nga gihisgutan ni Torres ang kabahin sa peace and order diin iyang gipasigarbo nga sud sa tulo ka buwan, 11 sa 23 ka barangay ang nadeklara nga drug cleared.

Iyang paningkamotan nga sa di matapos ang 2019, mahurot na og deklarar nga drug-free ang tanang mga barangay.

Gani, dul-an sa 30 ka mga kawani gipaubos sa kalit nga drug test ug way bisan usa nga nagpositibo.

Gikalipay usab ni Torres ang paghatag sa Department of Interior and Local Government (DILG) og 90 porsyento nga rating sa clearing operations sa mga karsada.

Gipahibawo ni Torres nga hugot na usab giimplementar sa lungsod ang Helmet Law sa mga nagmotorsiklo ug pagsikop sa traffic violators.

Gisaad usab ni Torres nga mahatagan karon og alibyo ang problema sa tubig sa pipila ka lugar.

Ila nang gisusi ang Leyte Metropolitan Water District system sa Pastrana, Leyte aron makakuha og dugang impormasyon.

Usa sa gihisgutan ni Torres ang kabahin sa solid waste management ingon man ang kabahin sa sand and gravel extraction.

Lakip sa gihisgutan sa mayor ang health and wellness diin ang Kananga Hospital operational na 24/7 ug dunay dugang ambulansya.

Gipalanog usab sa mayor ang pagpanindot sa track and field sa Kananga Central School ug dugang school facilities.

Niani og grabeng pakpak ang pamahayag ni Torres nga hatagan og bonus ang mga barangay health worker, barangay tanod ug mga magtutudlo.

Kabahin sa electric bill refund, giklaro usab ni Torres nga gipahunong sa Department of Energy ang paghatag og refund sa tanan gawas lang niadtong nagkunsumo og 100kwph paubos.

Giplanohan usab sa mayor ang pagbalhin sa government center aron mausa na ang tanang mga opisina di sama karon nga nagkabuwag ang legislative ug executive.

Panghingusgan usab sa mayor ang turismo sa lugar hilabi kay daghan ang mga nindot nga destinasyon nga wa mahatagi og pagtagad sa milabayng katuigan.

Lakip sa dunay potensyal sa turismo mao ang hotspring sa Tongonan, Uban falls sa Libertad, Ocean View sa Mahawan, Queen's Apple Pineapple Plantation, Yamashita Defense Line sa Libongao, Our Lady of Queen of Peace Hermitage sa Natubgan.

Nagpasalamat ang mayor sa mga nitambong sama nila ni Ormoc City Mayor Richard Gomez, asawa nga si Cong. Lucy Torres- Gomez, Board Member Carmen Rama, mga konsehal sa Ormoc, iyang ginikanan ug hinigugma nga si April Tanhueco. (JKDP)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph