BASTA ba Kalag-Kalag, uso kaayo ning mga istorya sa hadlok-hadlok.
Mao gyud ni bida nga tsikahan sa panagtapok basta duol na ang Nobyembre 1 o 2 sa kalendaryo.
Mao nga sa Superbalita nagpasurvey kita pinaagi sa atong social media account sa Facebook kung "Asa ang pinakahadlok nga lugar sa Davao."
Apan, inay makahahadlok, makalingaw nga tubag ang gihatag sa mga netizens.
Nanguna sa tubag ang dalang Quirino ug Claveria diin suma pa daghang manitsit ug mangatang. Ania ang pipila sa ilang komento.
"Central bank! Naay manugat na mga babae gabieng dako. Creepy keeyo!" - Dexter Alvarez
"Basta saona pajud nako na experience diha sa palibot central bank pag muagi ko diha mga hapon o gabie naa jud manitsit??... tas nkay madunggan 'pa shine ka kol?' Naa cguro gamulto diha nga ga pashine ug sapatos saonang panahon." - Nhoo Weil V. Depoldo Jr.
"Sa claveria!!! Wa kay makita pero naa mukalit panitsit dala ingon " Pangape lang sir"!!! - Pach Go
"Sa may San Pedro KY maghulat Lang kag keep naay manguhot sa mga lalaki ug moengun mangga ka sir wahahahah." - Agui Wag's
Luyo niini, bida sab ang tubag sa pipila nga hadlok nga lugar dinhi sa Davao ang sagad tambayan sa mga personahe sa City Transport and Traffic Management Office (CTTMO) ug LTO. Ania:
"Sa lugar kung asa sigeg pwesto ang mga taga CTTMO." - DongYatz Abelita
"Sa dalan kung asa naay LTO.. hahahaha." - Van Alvarez
Duna say mga nag-ingon nga hadlok nga lugar ang dapit asa sila gibiyaan sa ilang mga uyab, sa lugar nga wa sila kapay-out ug sa mga balay kahilayan diin nabuklan sila sa ilang mga asawa.
May nagkomento sab nga hadlok nga dapit ang Matina tungod sa tumang trapik sa matag adlaw.
Apan, luyo ning mga pasiaw nga tubag sa atong netizens, duna say pipila nga nagpunting sa pipila ka giingong hadlok nga dapit sa Davao.
Kining mga lugara nailhan mga taw-an alang sa pipila. Sama na lamang sa Durian Hotel, Champaca sa Juan Subdivision ug uban pa.
Apan paunsa man ang inyong paghinumdum sa Adlaw sa Minatay, di kita malimot sa tinuod nga rason nganong atua kini nga ginahimo sa matag tuig.
Sa ubang komento, duawa ang Facebook page sa Superbalita Davao.