TINGKAGOL sa prisohan ang usa ka giingong peke nga dentista human masikop sa Davao City Anti-Scam Unit ug sa Davao City Police Office (DCPO) dihang gireklamo.
Niadtong Lunes, gisikop ang giingong peke nga dentista nga si Lyxen Gloria ug ang duha ka mga assistant niini nga wala giila, dihang nasuta sa Anti-Scam Unit (ASU) nga nagpahigayon sila sa ilang operasyon bisan walay gipakita nga mga lig-ong dokumento ug lisensiya.
Sumala sa ASU nga mitahan hinuon kanila ang mga nahisgutan ug nakuha sa ilang posisyon ang mga lig-ong ebidensiya nga maoy i-presentar didto sa korte.
Mga gamit sa pag-ibot og ngipon, mga tambal ang nakuha sa awtoridad sa ilang buhatan.
Mga nahisgutan mag-atubang og kasong pagsupak sa Philippine Dental Act of 2007, nga gihandos didto sa City Prosecutor's Office (CPO) niadtong Lunes sa buntag. (Jeepy P. Compio)