GIBUTYAG sa Land Transportation Franchising and Regulatory Board (LTFRB) nga walay pagsaka sa pletehan karong umaabot nga Adlaw sa mga Santos ug Kalag.
Nasayran nga nagpahigayon niadtong nilabay nga adlaw og pagsusi ang tinugyanan sa LTFRB kauban ang Land Transportation Office (LTO) lakip na Philippine Drug Enforcement Agency (PDEA) nga gitawag og Oplan Biyaheng Ayos: Undas 2019.
Sa pakighinabi kang Aminoden Guro, regional director sa LTFRB, gibutyag niini nga walay pagsaka sa pletehan sa mga bus karong panahona.
"So far, walay adjustment naa tay taripa gihapon, usa pud ni sa atong check-upon kung dunay pasahero nga makita nila nga dunay pag-uswag sa pletehan, pwedi nila ireklamo opisina," matud ni Guro.
Gidugang pa usab niini nga ginadili usab ang mga pagpareserba og mga lingkuranan, gani dunay prayoridad ang mga senior citizen, mga nagpasuso nga mga inahan, ug mga persons with disability o dunay kabilinggan sa panglawas.