KAPIN sa 20,000 ka punoana marijuana nga gibanabana nga mobalor sa P8.6 milynues ang naibot sa mga sakop sa Balamban Police Station inabagan sa Provincial Mobile Force Company (PMFC) niadtong Martes sa buntag, Oktubre 29, sa Sitio Koo. Barangay Gaas, lungsod sa Balamban.
Walay nadakpan ang kapulisan nga nananom sa maong mga punoan sa marijuana apan aduna silay tulo ka mga suspek nga silang Tisie Palando, Rodrigo Cabalis ug Lordi Pragosa nga pulos molupyo sa maong lugar.
Nilusad og tulo ka adlaw nga minor operation ang mga sakop sa PMFC sa Cebu Provincial Police Office sa mga bukirang dapit sa lungsod sa Balamban diin adunay mipahibawo kanila nga adunay tinanom nga marijuana sa sitio Koo barangay Gaas nga hapit na ma harvest.
Dali sila nga nakig alayon sa mga barangay officials sa Gaas aron masusi ang impormasyon ug dinhi ilang nasuta nga tinuod kini.
Nahimutang sa usa ka tago nga lugar ang maong marijuana plantation diin lakwon pa kinig pila ka kilometro gikan sa Poblacion Gaas.
Matod ni Police Lieutenant Colonel Rene Kyamko ang hepe sa Provincial Mobile Force Company nga niadtong miaging buwan nila nga operation diin nakakuha silag P32 Million nga balor sa marijuana kasikbit lang kini nga bukid.
Iyang gitug-an nga lisud kaayo ang maong lugar nga sudlon sa mga tawo nga maoy hinungdan nga kompyansa lang ang mga nag tanom niini nga dili mahibaw-an sa kapulisan. (AYB)