PATAY ang usa ka Cafgu human gipatay atubangan mismo sa asawa sa niaging mga adlaw sa Barangay Batangan, Valencia City, Bukidnon.
Giila ang biktima nga si Pablo Omblero, minyo, sa susamang dapit.
Ang asawa nga si Elizabeth namahayag nga off duty sa iyang bana niadtong tungora dihang gisulod sa ilang panimalay ang iyang bana nga aktibong miyembro sa Civilian Armed Forces Geographical Unit Active Auxiliary (CAA).
"Pito sila nga nagsulod sa amo balay. Ilang gihigtan akong bana. Gidala mi sa Batangan. Grabe among pakiluoy. Among hilaka apan mga walay konsensya ug kasingkasing. Ilang gipusil akong bana kaduha bisag walay ikasukol, sako atubangan pa gyud," saysay ni Elizabeth.
"Ngano lugar ilang patyon akong asawa sa mga NPA nga klarong wala man mi nisukol ug ikasukol?" dugang pa niini.
Si Omblero gideklarar nga dead on arrival sa Adventist Medical Center human nakaangkon og samad pinusilan sa iyang nawong ug tiyan nga bahin.
Matud ni 403rd Infantry Brigade Commander Brigadier General Edgardo De Leon nga niloug kini nga bunuhatan sa New People's Army.
"The NPA should have respected his rights enshrined by the IHL as he can no longer be considered combatant because he was already captured, disarmed, and therefore has no capacity to fight the armed NPA," matud De Leon.
Girekomendar niini sa lokal nga kagamhanan sa Valencia nga maghimi og fact-finding committee sa IHL aron maimbestigar kini nga kaso.