Personal nga gisusi ni Gobernador Gwendolyn Garcia ang sitwasyon kagahapon sa buntag, Oktubre 31, 2019 sa Cebu South Bus Terminal (CSBT).1
Matod ni Garcia nga base sa iyang naobserbahan, mas han-ay na ang sitwasyon sa terminal karon kon itandi kini sa unang adlaw sa pagpatuman sa bag-ong sistema, niadtong Martes, Oktubre 29, 2019.
Nangayo hinuon ug pagsabot si Garcia sa pasahero diin mipasalig siya nga temporaryo lamang ang nasinati nga kakulian sa terminal.
“Moagi lang tag gamaybg discomfort kay sa ato ni ron giablihan na nato tanan hasta mo wa namoy kabarogan kay hasta di pasahero musud...Gahapon naay nag reklamo nga katong ilang mga karga but there are porters on standby na karon,” matod ni Garcia.
Buot sa Gobernador nga mabutangan unya ug x-ray machines ang entrada sa terminal aron nga dili na maghuot ang mga pasahero sa panahon nga susihon ang mga bagahe niini.
“We are looking at acquiring an x-ray mahine for cargo karon lang pasalamat lang ta sa PDEA for their K9, Pero much later on for smoother handling of the cargo brought by the pasaangers we are looking at installing an x-ray machine for our cargo,” dugang ni Garcia.
Samtang aron nga dunay mga bus nga mu sawo sa mga pasahero nga wala unyay masakyan, miisyu na ug 67 ka mga special permits ang Land Transportation Franchising and Regulatory Board (LTFRB-7) sa mga Public Utility Buses ug Tourist Bus sa CSBT.
Ang SMB ug Silverlines nga una nang mitanyag ug kaandam sa pagsawo kon wala na kini masakyan.
Mipadayag si LTFRB 7 Regional Director, Eduardo Montealto Jr. nga mipahigayon na sila ug pagsusi sa mga bus nga mobyahe diin may duha ka mga sakyanan gikan sa habagatan ang nadakpan tungod kay walay prangkisa.
Alang kang Montealto, maayo ang gihimong lakang sa gobernador pagpatuman sa bag-ong sistema kini tungod kay usa sab ni sa gikinahanglan sa pagpatuman na sa Public Utility Vehicle (PUV) Modernization Program sa sunod tuig.
Alerto ang awtoriad sa pagdakop sa mga bus nga nakalapas sa balaod sa trapiko.
Bukas usab ang hotline sa LTO sa pagdawat sa mga reklamo, mobile phone nos. 0927-872-7235, 0923-155-0777, ug 0921-258-6770. ANV