Bag-ong Centcom commander mibahad sa mga NPA
sa P8 milyones nga balor sa shabu ug marijuana ang nasakmit sa managlahi nga mga buy-bust nunot sa synchronized enhancement management operation (SEMPO) sa Cebu City Police Office (CCPO) sud sa duha ka adlaw nga giabagan sa Philippine Drug Enforcement Agency (PDEA) 7.
Unang nasikop ang magtiayon sa Barangay Pasil, Dakbayan sa Sugbo, nga sila si Orlando, 36, ug Merlinda Ynoc, 34, kinsa nakuhaan og tulo ka kilong pinutos nga marijuana nga mobalor og P360,000.
Si Police Major Kenneth Paul Albotra, hepe sa San Nicolas Police Station, kinsa nangu sa operasyon sa Sityo Lawis, pasado alas 4 sa hapon niadtong Miyerkules, Oktubre 30, niingon nga ang magtiayong Ynoc gisumbong sa pipila ka mga opisyal sa barangay sa dayag nga pagpamaligya og marijuana.
Apan ang mga Ynoc nanghimakak nga ila ang nasakmit nga marijuana.
Tulo ka oras ang milabay, nadakpan sa buy-bust operation sa Sityo Almacen, Barangay Calamba, ning siyudad, si Dennis Denuyo, 36.
Nasakmit kang Denuyo ang 400 gramos nga shabu nga mobalor og P2.7 milyones.
Si Denuyo niangkon sa Superbalita Cebu nga mao pa lay iyang pagsugod sa pagpanghatud sa illegal nga drugas.
Matod ni Denuyo nga naagni siya sa pagpanghatud human siya gitanyagan og P5,000 matag hatud.
Si Denuyo kanhi piniriso sulod sa tulo ka tuig human siya masikop sa paghupot og illegal drugs niadtong 2015.
Sa lahi nga buy-bust sa samang barangay, nasikop si Iancent Dave Oberes, 18, kinsa nasakmitan og P300,000 nga balor sa gituohang shabu.
Mga usa ka oras ang nakalabay, mokabat sa P4.9 milyones nga balor sa shabu ang nasakmit sa mga ahente sa PDEA 7 ug Drug Enforcement Group sa Central Visayas.
Sila si Ariel Abellana, 18, ug Mico Calero, 18, pulos mga lumolupyo sa B.Aranas,Barangay Duljo Fatima, Siyudad sa Sugbo nasikop sa joint operation.
Ang target sa PDEA-7 nga si Ariel, manghod ni Mae Abellana, kinsa nadakpan na sa PDEA 7 sa lahi nga operasyon.
Nadakpan usab si Jorenio Zamora Jr., 25, taga Laurente st., Barangay Tejero, sa buy-bust operation sa Waterfront Police.
Nasakmit gikan kaniya ang gituohang shaby nga mobalor og P54,000.
Nasakmitan usab siya og kalibre .22 nga armas nga dunay tulo ka mga bala.
Sa buy-bust sa Parian Police Station sa Barangay Lorega San Miguel, nadakpan sila si Danilo Restauro, nakuhaan og shabu ug armas nga .38 caliber revolver, ug Marwin Losani, nakuhaan og shabu.