Sa pagtuman sa adbokasiya sa kaluwasan sa mga tinun-an sa tunghaan, ang Visayan Electric Company (Veco) uban sa Aboitiz Foundation, niayo sa wires sa kuryente sa 645 ka classrooms sa 16 ka tunghaan sa iyang franchise area ning tuiga.
Ang upgrading sa electrical systems or rewiring project sa Veco nagsugod niadtong 2010 isip tampo sa kompaniya sa paghatag og luwas nga dapit sa pagkat-on sa mga tinun-an sa publikong tunghaan sa elementarya ug high schools.
Sukad sa pagsugod sa proyekto, dunay nikabat na sa 4,364 ka classrooms sa 106 ka tunghaan gikan sa kalungsoran sa Liloan sa norte ngadto sa San Fernando sa south.
“We want you to study well so you will have a better future. The rewiring project aims to provide you students an environment that is safe and conducive to learning,” matod ni Visayan Electric Chief Operating Officer Anton Mari G. Perdices atol sa turnover sa project sa Cebu City.
Ang beneficiaries sa proyekto ning tuiga mao ang Lahug Elementary School, Pardo Elementary School, Bulacao Community School, Lusaran Elementary School, Paril Elementary School, Barrio Luz Elementary School, Talamban Elementary School, Pamutan Integrated School ug Buhisan Elementary School sa Cebu City; Pagsabungan National High School sa Mandaue City, Pooc National High School sa Talisay City; Tubod National High School ug Manduang Integrated School sa Minglanilla; ug Cabangahan National High School ug Elementary School ug Sacsac Elementary School sa Consolacion.
Ang mga tinun-an ug mga magtutudlo sa tanang beneficiary schools ningtambong sa safety orientation lecture sa wala pa ang turnover ceremonies sa mga proyekto.
Si Cebu City Schools Division Supt. Dr. Bianito Dagatan, atol sa project turnover sa Cebu City, nagpasalamat sa Visayan Electric sa iyang tabang ug commitment sa pagsuporta sa Department of Education (DepEd).
Sa iyang bahin, si Mandaue City Schools Division Superintendent Dr. Leah Noveras, atol sa project turnover sa Mandaue City, niingon nga gawas sa benefactor sa nagkalainlaing public schools sa iyang franchise area, ang Veco suod nang higala sa DepEd.
Ang Veco, ikaduhang laing dakong electric utility company sa nasod, nagsilbi sa cities sa Cebu, Mandaue, Talisay, Naga ug kalungsoran sa Liloan, Consolacion, Minglanilla ug San Fernando. Ang non-energy community outreach programs sa kompaniya mao ang education, environment ug community development sulod sa iyang franchise area ug gitumong sa paggiya sa mga batan-on. PR