HEPE sa Cebu City Police Office Colonel Gemma Vinluan giparelibohan sa katungdanan sugod niadtong Miyerkules, Oktubre 30, samtang gipaubos sila sa imbestigasyon kalabot sa kamatayon ni Clarin Misamis Occidental Mayor David Navarro niadtong Oktubre 25, 2019.
Matod ni Police Regional Office Director Brigadier General Valeriano de Leon nga temporaryo lamang kini aron di maempluwensyahan ang gisugdan na nga imbestigasyon sa Regional Internal Affairs Service-7.
Kasamtangan nga ibalhin sa Regional Personnel Holding Admin Unit si Vinluan ug hulipan sa Deputy Regional Director for Operation-7, Police Colonel Geovanie Maines.
Apan kon masuta nga way kakuwangan ang mga pulis sa Siyudad sa Sugbo sa pagbantay kang Navarro, mahimong makabalik ra si Vinluan sa iyang pwesto.
“Kung makikita natin na walang pag kukulang ang ating magiting at masipag na city director, makakabalik naman siya sa CCPO,” pasabot ni de Leon. AYB