BISAN og ulan, padayon ang kahugyaw ug kasadya sa natigayong Indigenous Peoples (IP) Day agi'g tipik ug hinapos nga kaugdahan sa 19th Sambuokan Festival 2019 sa Mati City, Davao Oriental niadtong Martes.
Ang kulminasyon sa programa gitambungan nila Mati City Vice Mayor Glenda Rabat-Gayta, City Administrator lawyer Alejandro Aquino, Muslim Community Affairs ug Development Office officer-in-charge Rashid Flores, Datu Morsalin Vicente sa Kaagan tribe, Datu Saydani Lantong sa Maranao Tribe, Datu Abdul Cader Abil sa Maguindanaon, Datu Tacbil Galo sa Samal, ug sa Muslim Community Affairs and Development Office (MCADO) staff.
Ania ang resulta sa Sambuokan 2019 Street Dancing Competition: sa Elementary category, champion mao ang Matiao Central Elementary School (P100,000); 2nd place -- Don Luis Rabat Sr. Elementary School (P75,000); 3rd place -- Rabat Rocamora Mati Central Sped School (P50,000), samtang nahimong Best in Musicality ug Best in Costume and Props mao ang Matiao Central Elementary School.
Sa Secondary/Tertiary category, ang champion mao ang Immaculate Heart of Mary Academy (IHMA) (P100,000); 2nd -- Mati National Comprehensive High School (P75,000); ug 3rd -- Dawan National High School (P50,000).
Ang Best in Musicality nakuha sa IHMA, samtang ang Best in Costume and Props nahatag sa Mati National Comprehensive High School. Trese ka mga entries ang midawat og tag P10,000 isip consolation prize.
Una natigayon ang street dancing competition, gilaag namo ang mga beaches sa Barangay Dahican nga sarang nindota ug daw paraiso sa pagpahuway.
Luyo ning tanan, atol sa Indak-Indak, gipakita ang mabulukon nga kultura ug kinaadman sa mga lumad nga taga Mati City gikan niadto hangtud ning ilang paglambo karon.
Padayon sa pag-uswag Mati City!